کولکاتا:ہندوستانی فٹبال کی تاریخ کے کامیاب ترین اسٹرائیکروں میں سے ایک سنیل چھیتری ریٹائرمنٹ کے بعد کی زندگی کے ساتھ تال میل کرنے کی کوشش شروع کردی ہے۔ہندوستان اور کویت کے درمیان میچ کے بعد سنیل چھتیری سابق کھلاڑیوں کے زمرے میں شامل ہوگئے۔
سالٹ لیک اسٹیڈیم میں فیفا ورلڈ کپ 2026 کے کوالیفائنگ راونڈ کے بعد اختتام پر نامہ نگاروں سے بات چیت کرتے یوئے کہاکہ ریٹائرمنٹ کے بعد چند دنوں تک آرام کروں گا اس کے بعد مستقبل کے حوالے سے حکمت عملی بناوں گا۔19 برسوں تک ملک کے لئے فٹبال کھیلا ہے اچانک سے میدان سے دور ہونے پر افسوس ہوگا۔
سنیل چھتری نے کہاکہ مغربی بنگال کی وزیر اعلیٰ ممتابنرجی نے انہیں فون کیا اور ریٹائرمنٹ کے بعد بنگال میں فٹبال کی ترقی کے لئے کام کرنے کی پیشکش کی۔وزیراعلیٰ ممتاابنرجی کامیاب سیاسی رہنما ہونے کے ساتھ ساتھ اچھی انسان ہیں۔ان کی پیشکش کے بارے میں فی الحال کہہ نہیں سکتاہوں۔ریاستی وزیر کھیل اروپ بسواس نے بھی یہ بات کہی
یہ بھی پڑھیں: ریاستی حکومت کی جانب سے وزیر کھیل ارسنیل چھتری نے نم آنکھوں کے ساتھ فٹبال کو الوداع کہا
وپ بسواس نے سنیل کو سونے کا ہار پیش کیا۔ وزیر اعلیٰ ممتا بنرجی کی جانب سے سنیل چھتیری کو کئی تحفے دئیے گئے ۔ہندوستان کے کامیاب فٹبال کھلاڑی سنیل چھتیری نے 19 برسوں تک قومی فٹبال کی جانب سے کھیلا۔اس دوران انہوں نے 151 میچوں میں ہندوستانی فٹبال ٹیم کی نمائندگی کی ۔سنیل چھتیری ہندوستان کی جانب سے کھیلتے ہوئے 94 گول کئے ۔
