حیدرآباد: بھارتی کرکٹ ٹیم کے نئے بیٹنگ اسٹار سرفراز خان اور وکٹ کیپر بلے باز دھرو جریل کو 1 کروڑ روپے کی سالانہ فیس کے ساتھ بی سی سی آئی کے سینٹرل کانٹریکٹ کے گروپ سی میں شامل کیا گیا ہے۔
دونوں نے رواں سیزن میں تین ٹیسٹ کھیلنے کا معیار پورا کرلیا ہے۔ جس کے بعد ان دونوں کے ناموں کو پیر کو ہونے والی بی سی سی آئی ایپکس کونسل کی میٹنگ کے دوران منظوری دی گئی۔
واضح رہے کہ گزشتہ 28 فروری کو بی سی سی آئی نے بھارتی کرکٹ ٹیم کے سینیئر مرد کھلاڑیوں کے لیے سالانہ معاہدہ جاری کیا تھا۔ بی سی سی آئی نے بلے باز شریس ایر اور وکٹ کیپر بلے باز ایشان کشن کو اس معاہدے سے باہر کر دیا ہے۔ وہ کھلاڑی جو مقررہ مدت کے اندر کم از کم 3 ٹیسٹ یا 8 ون ڈے یا 10 ٹی ٹوئنٹی میچ کھیلنے کے معیار کو پورا کرتے ہیں۔ ان کو اس بنیاد پر گریڈ سی میں شامل کیا جائے گا۔
کھلاڑیوں کا یہ سالانہ معاہدہ یکم اکتوبر 2023 سے 30 ستمبر 2024 تک بھارتی سینیئر مینز کرکٹ ٹیم کے کھلاڑیوں کے لیے لاگو ہوں گے۔ اس معاہدے میں کل 30 کھلاڑی رکھے گئے ہیں جون کو چار کیٹگری، گریڈ A+، گریڈ A، گریڈ B اور گریڈ C میں رکھا گیا ہے۔ ان کی سالانہ آمدنی کا فیصلہ ان ہی درجات کے مطابق کیا گیا ہے۔
قابل ذکر ہے کہ گریڈ A+ کرکٹرز کی سالانہ آمدنی 7 کروڑ روپے ہے۔ گریڈ اے کے کرکٹرز کی سالانہ آمدنی 5 کروڑ روپے، گریڈ بی کے کرکٹرز کی سالانہ آمدنی 3 کروڑ روپے اور گریڈ سی کے کرکٹرز کی سالانہ آمدنی ایک کروڑ روپے ہے۔
یہ بھی پڑھیں: سینٹرل کانٹریکٹ سے خوش کپل دیو نے کہا، کچھ کو تکلیف ہوگی لیکن ملک سے بڑا کوئی نہیں
