روہت شرما نے ٹی ٹوئنٹی کرکٹ میں کوہلی اور بابر اعظم کو پیچھے چھوڑا - t20 world cup 2024

ہندوستانی کرکٹ ٹیم کے کپتان روہت شرما نے آسٹریلیا کے خلاف 92 رنوں کی دھماکہ خیز اننگز کے بعد کئی ریکارڈ اپنے نام کر لیے ہیں۔ اس دوران انہوں نے وراٹ کوہلی اور بابر اعظم کو بھی پیچھے چھوڑ دیا ہے۔

سینٹ لوسیا: سپر 8 کا آخری میچ میں ہندوستان نے آسٹریلیا کو 24 رنوں سے شکست دی تھی۔ اس جیت کے ساتھ ہی ہندوستان بھی سیمی فائنل میں داخل ہو گیا ۔ اس میچ میں ہندوستانی کرکٹ ٹیم کے کپتان روہت شرما نے 92 رنوں کی شاندار اننگز کھیلی۔

ROHIT SHARMA TODAY: 🐐

- Most runs in T20I History.
- Completed 19,000 int'l runs.
- First player 200 Sixes in T20Is
- Fastest fifty vs AUS in T20 WC
- Fastest fifty in this T20 WC
- Most Boundaries in T20 WCs.
- 2nd HS for India in T20 WC.
- Most Sixes vs an opponent in int'l. pic.twitter.com/QhEjY8reXg

— Tanuj Singh (@ImTanujSingh) June 24, 2024

روہت نے اس اننگز سے ایک عظیم ہدف کی بنیاد رکھی تھی۔ اس میچ میں انہوں نے کئی ریکارڈ بھی بنائے۔ انہوں نے 8 چھکے اور 7 چوکے لگائے، اس کے ساتھ انہوں نے 2007 میں یوراج سنگھ کے ریکارڈ کو پیچھے چھوڑ دیا جنہوں نے ایک اننگز میں سب سے زیادہ 6 چھکے لگائے تھے۔ 92 رنز کی اپنے ٹی20 کیریئر کی بہترین اننگز کے دوران روہت نے بابر اعظم کے ٹی20 میں سب سے زیادہ رنز کا ریکارڈ بھی پیچھے چھوڑ دیا۔

روہت شرما اب ٹی20 کرکٹ میں سب سے زیادہ رن بنانے والے کھلاڑی بن گئے ہیں۔ اس اننگز کے ساتھ انہوں نے ٹی20 کرکٹ کی 149 اننگز میں مجموعی طور پر 4,165 رنز بنائے ہیں۔ جس میں زیادہ سے زیادہ 5 سنچریاں بھی شامل ہیں۔

اس کے ساتھ انہوں نے پاکستان کے کپتان بابر اعظم کو پیچھے چھوڑ دیا جنہوں نے 116 اننگز میں 4145 رنز بنائے۔ اس کے علاوہ انہوں نے ہندوستان کے اسٹار بلے باز وراٹ کوہلی کو بھی پیچھے چھوڑ دیا۔ کوہلی کے نام ٹی 20 کرکٹ میں 4,103 رنز ہیں۔