لاہور: پاکستان کے لیے 40 سال بعد اولمپکس میں گولڈ میڈل جیتنے والے ارشد ندیم اس وقت اپنے ملک کے سب سے چہیتے کھلاڑی ہیں۔ جب سے انھوں نے یہ تاریخ رقم کی ہے تب سے ان پر انعامات کی بارش ہورہی ہے۔ ارشد ندیم کے اعزاز میں اعلان کردہ انعامات اب ان کے حوالے بھی کیے جارہے ہیں۔
معروف اسلامک اسکالر مولانا طارق جمیل نے ارشد ندیم کے اعزاز میں عیشائیے کا اہتمام کیا۔ جہاں انھوں نے ارشد کو انعام سے بھی نوازا۔ لیکن مولانا نے ارشد کو کتنی رقم بطور انعام دیا ہے، اس سے متعلق معلومات شیئر نہیں کی گئی ہے۔ اس کی جانکاری مولانا طارق جمیل کے سوشل میڈیا اکاؤنٹ انسٹاگرام سے دستیاب ہوئی ہے جہاں مولانا نے ارشد ندیم کے ہمراہ خوشگوار موڈ میں تصویریں بھی شیئر کی ہیں۔
شاباش ارشد ندیم 🇵🇰 pic.twitter.com/0Da12Tip2k
— Maryam Nawaz Sharif (@MaryamNSharif) August 13, 2024
وہیں دوسری جانب پنجاب کی وزیراعلیٰ مریم نواز نے بھی ارشد ندیم کے گھر پہنچ کر اعلان کردہ انعام دس کروڑ روپئے اور ایک کار دیا ہے۔ قابل ذکر ہے کہ وزیراعلیٰ کی ہدایت پر کار رجسٹریشن نمبر پی اے کے 92.97 الاٹ کیا گیا ہے۔ جو نمبر ارشد ندیم کا اولمپکس میں پھینکے گئے نیزہ کی دوری کو ظاہر کرتا ہے۔
اس کے علاوہ وزیراعلیٰ نے ارشد ندیم کے عملے کو بھی 50 لاکھ روپئے بطور انعام دیا۔ واضح رہے کہ پیرس اولمپکس 2024 میں جیولن تھرو ایونٹ میں ریکارڈ ساز تھرو کرکے ارشد ندیم نے پاکستان کو 40 سال بعد گولڈ میڈل دلا دیا جس کے بعد سے پاکستان کی وفاقی اور صوبائی حکومت اور متعدد اداروں سمیت کئی دیگر شخصیات نے انعامات دینے کا اعلان کیا تھا۔
REMEMBER THE NUMBER 92.97🇵🇰 pic.twitter.com/DOsIZCz8Zx
— PMLN (@pmln_org) August 13, 2024
