نئی دہلی: پیرس اولمپکس 2024 میں خراب کارکردگی کے بعد بھارت کے پیرا ایتھلیٹس نے پیرا لمپک گیمز میں شاندار کارکردگی کا مظاہرہ کرتے ہوئے ملک کی عزت بچانے میں کامیاب رہے ہیں۔ بھارت نے پیرس پیرالمپکس میں کل 29 تمغے جیتے۔ جس میں سونے کے 7، چاندی کے 9 اور کانسی کے 13 تمغے شامل ہیں۔ جو کی ملک کی بہترین کارکردگی ہے۔
دس ستمبر کو نئی دہلی میں پیرالمپکس میں تمغہ جیتنے والے کھلاڑیوں کے اعزاز میں ایک شاندار تقریب کا اہتمام کیا گیا۔ جس میں وزیر کھیل منسکھ منڈاویہ نے پیرس پیرالمپکس میں تمغے جیتنے والے کھلاڑیوں کے لیے نقد انعامات کا اعلان کیا۔
𝐇𝐢𝐦𝐦𝐚𝐭 𝐑𝐚𝐤𝐡 𝐀𝐮𝐫 𝐊𝐚𝐫 𝐅𝐚𝐭𝐚𝐡💪
— SAI Media (@Media_SAI) September 8, 2024
From 1972 Heidelberg🇩🇪 to #Paris2024🇫🇷, we have come a long way🙌🏼
Let's #Cheer4Bharat🇮🇳 and our para stars 🫶🏻, the warriors who have made us proud once again on the international stage🫡#ParisParalympics2024🇫🇷@mansukhmandviya… pic.twitter.com/FlxoFGqn1D
وزیر کھیل نے اعلان کیا ہے کہ گولڈ میڈل جیتنے والوں کو 75 لاکھ روپے، چاندی کا تمغہ جیتنے والوں کو 50 لاکھ روپے اور کانسی کا تمغہ جیتنے والوں کو 30 لاکھ روپے کا نقد انعام دیا جائے گا۔ اس کے ساتھ ہی مکسڈ ٹیم ایونٹ میں تمغے جیتنے والے کھلاڑی، جیسے آرچر شیتل دیوی کو 22.5 لاکھ روپے کی نقد انعامی رقم دی جائے گی۔
منڈاویہ نے 2028 لاس اینجلس پیرالمپکس میں مزید تمغے جیتنے کے لیے پیرا ایتھلیٹس کو مکمل تعاون اور سہولیات فراہم کرنے کا وعدہ بھی کیا۔ انہوں نے کہا کہ ملک پیرالمپکس اور پیرا کھیلوں میں آگے بڑھ رہا ہے۔ 2016 میں 4 تمغوں میں سے، ہندوستان نے ٹوکیو میں 19، پیرس میں 29 تمغے جیتے اور 18 ویں نمبر پر رہا۔
منڈاویہ نے مزید کہا کہ ہم اپنے تمام پیرا ایتھلیٹس کو تمام سہولیات فراہم کریں گے تاکہ ہم 2028 کے لاس اینجلس پیرالمپکس میں مزید تمغے اور گولڈ میڈل جیت سکیں۔
قابل ذکر ہے کہ پیرا ایتھلیٹس کی شاندار کارکردگی کی وجہ سے بھارت نے پیرا لمپک گیمز کی تاریخ میں 50 تمغوں کا ہندسہ عبور کر لیا ہے۔ پیرا اولمپکس میں بھارت کا پہلا تمغہ 1972 کے کھیلوں میں آیا، جس میں مرلیکانت پیٹکر نے تیراکی میں طلائی تمغہ جیتا تھا۔ 2024 کے کھیلوں سے پہلے بھارت نے 12 پیرا لمپک کھیلوں میں کل 31 تمغے جیتے تھے۔
