حیدرآباد: پیرس اولمپکس میں بھارت کی مہم ایک بھی گولڈ میڈل جیتے بغیر ختم ہوگئی۔ بھارت نے اس اولمپکس میں کل 6 تمغے جیتے، جن میں 1 چاندی اور 5 کانسے کے تمغے شامل تھے لیکن وہ ایک بھی گولڈ میڈل نہیں جیت سکا۔
وہیں پیرس اولمپکس میں گولڈ میڈل جیتنے والے امریکی شاٹ پٹ ایتھلیٹ ریان کراوزر کا ایک ویڈیو وائرل ہو رہا ہے جس میں وہ اپنے گولڈ میڈل کو کتے کے گلے میں ڈال کر لاس اینجلس اولمپکس 2028 کی تیاری میں مصروف ہوگئے ہیں۔
دراصل، امریکی ایتھلیٹ ریان کراوزر نے انسٹاگرام پر ایک ویڈیو شیئر کی ہے۔ جہاں وہ اگلے اولمپکس کی تیاری کے لیے شاٹ پٹ کی مشق کر رہے ہیں اور وہیں ان کے قریب ایک کتا کھڑا ہے جس نے گولڈ میڈل پہنا ہوا ہے۔ پیرس اولمپکس میں گولڈ میڈل جیتنے والے ریان نے اپنے کتے کے ساتھ شیئر کی ہے۔ یہ ویڈیو کچھ ہی دیر میں سوشل میڈیا پر وائرل ہو گئی ہے اور لوگ اس پر کافی زیادہ ردعمل دے رہے ہیں۔
اس ویڈیو کو دیکھنے کے بعد سوشل میڈیا صارفین ریان کی کافی تعریف کر رہے ہیں۔ ایک صارف نے لکھا کہ یہی وجہ ہے کہ وہ تین بار گولڈ میڈل جیت چکے ہیں۔ ایک دوسرے صارف نے لکھا، چیمپئن بننے کے لیے یہ سب ضروری ہے۔ چیمپئن کبھی مطمئن نہیں ہوتے اور ان کی جیت کی بھوک باقی رہتی ہے۔
واضح رہے کہ اس بار ریان نے پیرس اولمپکس میں مسلسل تیسرا گولڈ میڈل جیتا ہے۔ اس سے پہلے وہ ٹوکیو اور ریو اولمپکس میں بھی گولڈ میڈل جیت چکے ہیں۔ ان کی اس ویڈیو کو دیکھ کر کچھ لوگ بھارتی کھلاڑیوں پر تنقید بھی کر رہے ہیں۔ ایک صارف نے لکھا کہ کانسے کا تمغہ جیتنے کے بعد بھارتی کھلاڑی لیڈروں سے ملنے اور انسٹاگرام پر مصروف ہو گئے ہیں۔
اس بار بھارت اولمپکس میں صرف ایک گولڈ میڈل بھی نہیں جیت سکا ہے۔ تمام توقعات کے باوجود بھارت کی کارکردگی ٹوکیو اولمپکس سے زیادہ مایوس کن رہی ہے۔ بھارت نے ٹوکیو میں ایک گولڈ سمیت 7 تمغے جیتے تھے لیکن اس بار نہ تو گولڈ حاصل ہوا بلکہ تمغوں کی تعداد میں بھی کمی آئی ہے۔
