پیرس: بھارتی مردوں کی ہاکی ٹیم پیرس اولمپکس 2024 کے سیمی فائنل میں روایتی حریف جرمنی سے آج رات مدمقابل ہوگی۔ اس میچ میں کو جیت کر بھارت 44 سال بعد اولمپکس کے فائنل میں پہنچنے کی کوشش کرے گا۔ تاہم اس کے لیے اسے جرمنی جیسی مضبوط ٹیم کو شکست دینی ہوگی۔
اگر بھارتی ہاکی ٹیم فائنل کے لیے کوالیفائی کر جاتی ہے تو وہ چاندی کا تمغہ یقینی بنا دے گی۔ اس سے پہلے بھارت نے کوارٹر فائنل میچ میں برطانیہ کو پنالٹی شوٹ آؤٹ میں 4-2 سے شکست دی تھی۔ جبکہ جرمنی کی ٹیم نے کوارٹر فائنل میں ارجنٹینا کو 3-2 سے شکست دے کر یہاں پہنچی ہے اور دونوں ٹیموں کے درمیان دلچسپ مقابلہ متوقع ہے۔
ہاکی میں بھارت بمقابلہ جرمنی کا ریکارڈ
بھارت اور جرمنی کے درمیان تاریخ میں اب تک کل 106 ہاکی کے میچز کھیلے جا چکے ہیں۔ جس میں جرمنی کو برتری حاصل ہے۔ جرمنی نے 53 میچ جیتے ہیں، جبکہ بھارت نے 26 مرتبہ کامیابی حاصل کی ہے اور 27 میچز ڈرا پر ختم ہوئے۔ تاہم گزشتہ 5 میچوں میں بھارت نے جرمنی پر 3-2 کی برتری حاصل کی ہے۔
ٹوکیو اولمپکس 2020 کے بعد
ٹوکیو اولمپکس میں بھارت نے پلے آف میں جرمنی کو شکست دے کر کانسے کا تمغہ جیتا تھا۔ بھارت نے اس دلچسپ مقابلے میں 5-4 سے کامیابی حاصل کی۔ اس کے بعد سے اب تک ایف آئی ایچ پرو لیگ میں دونوں ٹیموں کے درمیان کل 6 میچ کھیلے جا چکے ہیں اور ان میں سے 5 میچ بھارت نے جیتے ہیں۔ جبکہ جرمنی نے رواں سال جون میں صرف ایک میچ جیتا ہے جو دونوں ٹیموں کے درمیان کھیلا جانے والا آخری میچ ہے۔
اولمپک گیمز میں دونوں ٹیموں کی کارکردگی
اولمپکس کی تاریخ میں بھارتی مردوں کی ہاکی ٹیم نے ریکارڈ 8 گولڈ میڈلز سمیت کل 12 تمغے جیتے ہیں۔ اس کے علاوہ جرمنی نے اولمپکس میں ہاکی میں 3 گولڈ میڈل حاصل کیے ہیں۔
سیمی فائنل کا میچ کب شروع ہوگا؟
بھارت اور جرمنی کے درمیان پیرس اولمپکس 2024 میں ہاکی کا سیمی فائنل میچ آج رات بھارتی وقت کے مطابق رات 10:30 بجے کھیلا جائے گا۔ جس کی لائیو اسٹریمنگ جیو سنیما پر ہوگی۔ ساتھ ہی یہ میچ اسپورٹس 18 نیٹ ورک ٹی وی چینلز پر براہ راست نشر کیا جائے گا۔
