پیرس: پیرس اولمپکس کے چھٹے روز میں بھارت کو اس وقت بڑا جھٹکا لگا جب اسٹار باکسر نکہت زرین پری کوارٹر فائنل میں شکست کے بعد اولمپکس سے باہر ہوگئیں۔ بھارتی باکسر نکہت زرین کو پیرس اولمپکس میں خواتین کے 50 کلوگرام راؤنڈ آف 16 کے میچ میں چین کی وو یو کے ہاتھوں 5 - 0 سے شکست کا سامنا کرنا پڑا۔ اس شکست کے ساتھ ہی نکہت کے پہلے اولمپکس میں میڈل جیتنے کا خواب بھی ٹوٹ گیا۔
Nikhat Zareen falls short, losing to China’s Wu Yu 0-5.
— SAI Media (@Media_SAI) August 1, 2024
Let's continue supporting our pugilists, Let's #Cheer4Bharat, let's support #TeamIndia!
Catch all the live action on DD Sports and Jio Cinema!#OlympicsOnJioCinema #Paris2024Olympics pic.twitter.com/XzRY0IIHVM
چین کی عالمی نمبر ون باکسر وو یو نے شروع سے ہی جارحانہ انداز میں پنچ لگانے شروع کیے اور پہلے ہی راؤنڈ میں نکہت زرین پر مکمل کنٹرول حاصل کر لیا۔ تاہم دو بار کی عالمی چیمپئن بھارت کی نکہت زرین نے دوسرے راؤنڈ میں شاندار واپسی کی تاہم چینی باکسر نے وہ بھی راؤنڈ جیت لیا۔
جس کے بعد تیسرے راؤنڈ میں زرین کافی کمزور نظر آئیں اور تیسرا راؤنڈ متفقہ طور پر چینی باکسر وو یو کے حصے میں آیا۔
52 کلوگرام کے عالمی چیمپئن اور ایشیائی کھیلوں کے گولڈ میڈلسٹ چین کے وو یو اس جیت کے ساتھ کوارٹر فائنل میں پہنچ گئی ہیں اور اب وہ اپنا پہلا اولمپک تمغہ حاصل کرنے سے صرف ایک قدم دور ہیں۔
اس شکست سے قبل بھارت کی 28 سالہ نکہت زرین نے راؤنڈ آف 32 کے میچ میں متفقہ فیصلے سے جرمنی کی میکسی کیرینا کلوٹزر کو شکست دے کر راؤنڈ آف 16 میں داخلہ لیا تھا۔
