حیدرآباد: پاکستان بمقابلہ بنگلہ دیش کے درمیان راولپنڈی میں جاری دوسرے ٹیسٹ میچ میں بھی پاکستان کی حالت خراب ہے کیونکہ اگر پاکستان نے بنگلہ دیش کو 185 سے پہلے آل آوٹ کرنے میں کامیاب نہیں ہوتی ہے تو وہ اور یہ میچ بھی ہار جائے گا اور بنگلہ دیش ٹیسٹ کرکٹ میں تاریخ رقم کر دے گا۔
دراصل دوسرے ٹیسٹ میچ کی دوسری اننگز میں پاکستان کی پوری ٹیم چوتھے دن محض 172 رنز پر ہی سمٹ گئی جس کی وجہ سے بنگلہ دیش کو یہ میچ جیتنے کے لیے 185 رنز کا ہدف ملا ہے اور ابھی ایک دن باقی ہے۔
Mir Hamza was the last Pakistan batter to fall 🏏
— Pakistan Cricket (@TheRealPCB) September 2, 2024
Maiden Test five-wicket haul for Hasan Mahmud 🇧🇩#PAKvBAN | #TestOnHai pic.twitter.com/edCxyI6o2u
دوسری اننگز میں پاکستان کی جانب سے محمد رضوان نے 43 رنز کی اننگز کھیلی جبکہ سلمان علی آغا نے 47 رنز بنائے۔ عبداللّٰہ شفیق 3، صائم ایوب 20، شان مسعود 28، بابر اعظم 11، سعود شکیل اور ابرار احمد 2، 2 اور میر حمزہ 4 رنز بنا کر آؤٹ ہوئے جبکہ خرم شہزاد اور محمد علی بغیر کوئی رن بنائے پویلین لوٹ گئے۔ بنگلا دیش کی جانب سے حسن محمود نے 5، ناہید رانا نے 4 اور تسکین احمد نے ایک وکٹ حاصل کیے۔
خبر لکھے جانے تک چوتھے دن میچ کو خراب روشنی کی وجہ سے روک دیا گیا اس وقت بنگلہ دیش نے دوسری اننگز میں بغیر وکٹ کھوئے 42 رنز بنا لیے ہیں اور انھیں یہ میچ جیتنے کے لیے صرف 143 رنز کی ضرورت ہے۔
واضح رہے کہ دوسرے ٹیسٹ میچ میں پاکستان نے ٹاس ہار کر پہلے بلے بازی کرتے ہوئے پہلی اننگز 274 رنز بنا کر آل آؤٹ ہوگئی تھی۔ جبکہ بنگلا دیش نے پہلی اننگز میں 261 رنز بنائے تھے۔ قابل ذکر ہے کہ بنگلہ دیش نے پہلے ٹیسٹ میچ دس وکٹوں سے جیت درج کی تھی۔
