لکھنؤ: اتر پردیش کے لکھنو کے بھارت رتن اٹل بہار واجپائی انٹرنیشنل کرکٹ اسٹیڈیم میں کھیلے جارہے انڈین پریمئیر لیگ کے 11 ویں میچ میں لکھنو سپرجائنٹس اور پنجاب کنگز کی ٹیمیں آمنے سامنے ہیں۔دونوں ٹیموں کو اس میچ میں جیت کی تلاش ہے ۔ لکھنو سپرجائنٹس کو رواں آئی پی ایل میں اب تک جیت کا ذائعہ نہیں ملا ہے جبکہ پنجاب کنگز کو دو میچوں میں ایک میں جیت اور ایک میں شکست کا سامنا کرنا پڑا ہے۔
لکھنؤ سپر جائنٹس کی جانب سے کے ایل راہل اور کونٹکن ڈی کوک نے اننگ کی شروعات کی۔دونوں بلے بازوں نے محتاط انداز میں بلے بازی کرتے ہوئے اپنی ٹیم کو ٹھوس شروعات دلانے کی کوشش کی۔کے ایل راہل 15 رن بنا کر ارشدیپ کی گیند پر جانی بیرسٹوں کے ہاتھوں کیچ آوٹ ہوگئے۔اس کے بعد دیب دت پڈیکل 9 رن بنا کر ارشدیپ کے دوسرے شکار بنے۔
لکھنو سپرجائنٹس نے چھ اوورز میں دو وکٹوں کے نقصان پر45 رن بنالئے ہیں۔پنجاب کنگز کی جانب سے ارشدیپ کو دو وکٹ ملے۔ لکھنو سپرجائنٹس کے قائم مقام کپتان نیکولس پورن نے ٹاس جیت کر پہلے گیندبازی کرنے کا فیصلہ کیا۔انہوں نے کہاکہ کے ایل راہل آج کے میچ میں امپیکٹ پلئیر کی حیثیت سے میدان میں اتریں گے۔اس پچ پر پہلے بلے بازی کرنے کا فیصلہ درست ہے۔بڑااسکور کھڑا کیا جاسکتا ہے۔
یہ بھی پڑھیں:کولکاتا نے بنگلورو کو سات وکٹوں سے دی شکست - KKR Defeat RCB By 7 Wickets
دوسری پنجاب کنگز کے کپتان شیکھردھون نے کہاکہ ہمارے پاس تجربہ کار بلے باز ہیں جو کسی بھی ہدف کو آسانی کے ساتھ تعاقب کر سکتے ہیں۔ٹیم مضبوط اور متوازن ہے۔آج کے میچ میں شاندار کھیل پیش کرنے کی کوشش کریں گے۔
