کولمبو:17 سال بعد ٹی 20 ورلڈ کپ 2024 کا خطاب جیتنے والی ٹیم انڈیا کے حوصلے بلند ہیں۔ ہندوستانی ٹیم کا اگلا مشن اب سری لنکا کا دورہ ہے۔ اس دورے پر ہندوستان کو سری لنکا کے خلاف سفید گیند کی سیریز کھیلنی ہے۔ یہ سلسلہ 27 جولائی سے شروع ہونا ہے۔ اس سے پہلے ٹیم انڈیا پیر کو سری لنکا پہنچی ہے۔ ایئرپورٹ سے نکلنے والی ٹیم کی ویڈیو منظر عام پر آگئی ہے۔
TEAM INDIA REACHES SRI LANKA WITH THE NEW HEAD COACH GAUTAM GAMBHIR. 🇮🇳pic.twitter.com/RExL9O3cd8
— Mufaddal Vohra (@mufaddal_vohra) July 22, 2024
ہندوستانی کرکٹ ٹیم کی اپنے نئے ہیڈ کوچ گوتم گمبھیر کے ساتھ ایئرپورٹ سے باہر نکلنے کی ویڈیو منظر عام پر آئی ہے۔ اس ویڈیو میں ہیڈ کوچ گوتم گمبھیر، ٹی 20 کپتان سوریہ کمار یادو اور ابھیشیک نائر بھی نظر آ رہے ہیں۔ ساتھ ہی ہاردک پانڈیا کے ساتھ سنجو سیمسن، شبمن گل اور رشبھ پنت کو بھی ایئرپورٹ کے باہر دیکھا جا سکتا ہے۔ ٹیم انڈیا سیریز سے قبل تیاریوں کے لیے کل سے پریکٹس سیشن میں حصہ لے گی۔
یہ بھی پڑھیں:ہندوستانی کرکٹ ٹیم سری لنکا کے دورے پر روانہ
نئے ہیڈ کوچ گوتم گمبھیر اور نئے ٹی ٹوئنٹی کپتان سوریہ کمار یادیو کا دورہ سری لنکا میں کڑا امتحان ہوگا۔ ویرات کوہلی اور روہت شرما کی ٹی20 انٹرنیشنل کرکٹ سے ریٹائرمنٹ کے بعد دونوں کو پلیئنگ 11 کا انتخاب کرنے کے لیے ایک دوسرے سے مقابلہ کرنا ہوگا۔
