حیدرآباد: ریاست آندھرا پردیش کے شہر نیلور کے نین موریہ نے روبکس کیوب میں اپنا نام گنیز بک آف ورلڈ ریکارڈ میں درج کرا دیا ہے۔ نین موریہ کی خاص بات یہ ہے کہ وہ کافی تیزی کے ساتھ منٹوں میں کیوب کو حل کرتا ہے۔
نین موریہ نے اس کھیل میں اب ایک عالمی ریکارڈ بھی قائم کیا جسے اس نے تفریح کے طور پر شروع کیا تھا۔ اس کے علاوہ وہ پڑھائی میں بھی مہارت رکھتا ہے اور فٹ بال کے مقابلوں میں بھی حصہ لیتا ہے۔ یہ ہونہار لڑکا نئے نئے آئیڈیاز کے ساتھ تکنیکی پہلوؤں میں مہارت حاصل کر کے اپنی صلاحیتوں کو مسلسل نکھار رہا ہے۔
روبکس کیوب کا آغاز امریکہ میں کیا
نین موریہ آندھرا کے نیلور شہر کے سری نواس اور سوپنا کے بڑے بیٹے ہیں۔ یہ خاندان پچھلے کچھ سالوں سے امریکہ میں مقیم تھا۔ اس کے بعد وہ 2020 میں بھارت واپس آئے اور نیلور میں کپڑے کی دکان کا بزنس کر رہے ہیں۔
امریکہ میں رہتے ہوئے نین نے اسکول میں اپنے دوستوں کو روبکس کیوب کھیلتے دیکھ کر اس میں دلچسپی لی۔ اس کے بعد نین کے والدین نے اسے اس کی سالگرہ پر ایک روبک کیوب تحفے میں دیا۔
گنیز ریکارڈ ہولڈر نین موریا نے کہا کہ میں 5 سال تک امریکہ میں رہا۔ میں نے اپنے دوستوں کو روبکس کیوب کی پہیلیاں حل کرتے دیکھا۔ اسی وقت میری دلچسپی اس میں پیدا ہوئی۔ میں بچپن سے اس کھیل کی مشق کر رہا ہوں، جس کی وجہ سے آج مجھے گنیز بک آف ریکارڈ میں جگہ ملی۔
امریکہ سے بھارت واپس آنے کے بعد نین کی روبک کیوب میں دلچسپی مزید بڑھ گئی۔ اس کی ماں نے اس کے ہنر کو پہچانا اور اسے 20 قسم کے روبکس کیوب خرید کر دیے۔ پہلے اس نے گیم کے الگورتھم سے تکنیک سیکھی۔ پھر کم وقت میں پہیلیاں حل کرنے میں مہارت حاصل کی۔ اس کے بعد نین نے کئی جگہوں پر منعقدہ روبک کیوب پزل کا مقابلہ بھی جیتا۔
کیوب گیم میں کامیابی
اس کھیلوں میں دلچسپی کی وجہ سے نین کیوبرز ایسوسی ایشن کا رکن بھی بن گیا۔ جہاں اس نے کچھ نئی چیزیں بھی سیکھیں۔ اس کے بعد اس لڑکے نے گنیز ریکارڈ کے بارے میں ضانکاری حاصل کی اور اس کے لیے ایک نیا آئیڈیا بنایا۔ پھر اس نے سائیکل چلاتے ہوئے کیوب کو حل کرنے کی مشق کی۔
نین نے خود کو اس کے لیے تیار کیا اور پہلی ہی کوشش میں چنئی میں منعقدہ مقابلہ جیت کر گنیز بک آف ورلڈ ریکارڈ میں اپنا نام درج کرایا۔ نین موریا نے سائیکل چلاتے ہوئے 59 منٹ میں 271 روبکس کیوب حل کر کے سب کو حیران کر دیا۔
نین موریا انجینئر بننے کے خواہش مند
روبکس کیوب کو حل کرنے کے علاوہ نین ریاستی سطح کے فٹ بال کھلاڑی بھی ہیں۔ انہوں نے کئی مقابلوں میں انعامات بھی حاصل کیے ہیں۔ وہ بین الاقوامی مقابلوں میں ملک کے لیے تمغے جیتنے کے مقصد سے ٹریننگ کر رہے ہیں۔ وہ پڑھائی میں بھی اپنے جوہر دکھا رہے ہیں۔ ان کا کہنا ہے کہ انہیں روبوٹکس بہت پسند ہے اور مستقبل میں اس موضوع پر انجینئرنگ کی تعلیم حاصل کریں گے۔
نین کے والدین کا کہنا ہے کہ اگر بچوں کی دلچسپی کے مطابق ان کی حوصلہ افزائی کی جائے تو وہ اپنے کیریئر میں آگے بڑھ سکتے ہیں۔ نین چھوٹی عمر میں گنیز ریکارڈ حاصل کرنے پر خوش ہے۔ نین پڑھائی میں بھی اول ہے اور مختلف شعبوں میں آگے ہے۔ اس پرجوش لڑکے کو یقین ہے کہ وہ مستقبل میں بھی اسی جذبے کے ساتھ مزید کامیابیاں حاصل کرے گا۔
