نئی دہلی: انڈر 19 ایشیا کپ کا دوسرا سیمی فائنل میچ بھارت اور سری لنکا کے درمیان شارجہ کرکٹ اسٹیڈیم میں کھیلا گیا۔ ہندوستانی انڈر 19 ٹیم نے یہ میچ 7 وکٹوں سے جیت کر فائنل میں جگہ بنائی۔ اس کے ساتھ ہی اس ٹورنامنٹ کے سیمی فائنل میں سری لنکن ٹیم کا سفر ختم ہو گیا ہے۔
Innings Break!
— BCCI (@BCCI) December 6, 2024
A tremendous bowling performance from India U19 👌
Over to our batters 💪
Live ▶️ https://t.co/016Tkd99kt#TeamIndia | #ACC | #ACCMensU19AsiaCup
📸 ACC pic.twitter.com/yX9jESNn8j
چیتن، کرن اور آیوش نے وکٹیں حاصل کیں
ایشیا کپ انڈر 19 کے اس دوسرے سیمی فائنل میں سری لنکا کے کپتان ویرن چامودیتا نے ٹاس جیت کر محمد امان کی قیادت میں ٹیم انڈیا کو پہلے گیند بازی کی دعوت دی۔ سری لنکا کی ٹیم پہلے بیٹنگ کرتے ہوئے 46.2 اوورز میں 173 رنز پر ڈھیر ہو گئی۔ سری لنکا کی جانب سے شروجن شنموگناتھن نے 78 گیندوں میں 2 چوکوں کی مدد سے 42 رنز بنائے جب کہ لکون ابی سنگھے نے 110 گیندوں پر 3 چوکوں اور 2 چھکوں کی مدد سے 69 رنز بنائے۔ بھارت کی جانب سے چیتن شرما نے 3 اور کرن چورملے اور آیوش مہاترے نے 2-2 وکٹیں حاصل کیں۔
اس کے ساتھ ہی ہندوستانی ٹیم کو فائنل میں جگہ بنانے کے لیے 174 رنز کا ہدف ملا۔ ہندوستانی بلے بازوں نے یہ ہدف باآسانی 21.4 اوورز میں 3 وکٹوں کے نقصان پر 175 رنز بنا کر حاصل کر لیا۔ اس کے ساتھ ہی ٹیم انڈیا نے انڈر 19 ایشیا کپ کے فائنل میں جگہ بنالی ہے، جہاں اس کا مقابلہ بنگلہ دیش سے ہوگا۔
A memorable day and innings for Vaibhav Suryavanshi as he steers India U19 to a commanding win and is also awarded the Player of the Match 🏆
— BCCI (@BCCI) December 6, 2024
Scorecard ▶️ https://t.co/016Tkd99kt#TeamIndia | #ACC | #ACCMensU19AsiaCup pic.twitter.com/pRLZcNkYR2
آیوش اور ویبھو کا شاندار مظاہرہ
بھارت کی جانب سے آیوش مہاترے اور ویبھ سوریاونشی اننگز کا آغاز کرنے آئے۔ دونوں نے پہلی وکٹ کے لیے 8.3 اوورز میں 91 رنز جوڑے۔ آیوش نے 28 گیندوں میں 7 چوکوں کی مدد سے 34 رنز بنائے اور ویبھو نے 36 گیندوں میں 6 چوکوں اور 5 چھکوں کی مدد سے 67 رنز کی شاندار اننگز کھیلی۔ بھارت کو تیسرا جھٹکا آندرے سدھارتھ سی کی شکل میں لگا۔ وہ 27 گیندوں میں 2 چوکوں کی مدد سے 22 رنز بنانے کے بعد پویلین لوٹ گئے۔ ہندوستانی ٹیم کے کپتان محمد امان (25) اور کے پی کارتھیک (11) نے مل کر ٹیم کو فتح سے ہمکنار کیا۔
اب ایشیا کپ انڈر 19 ٹورنامنٹ کا فائنل میچ 8 دسمبر کو دبئی انٹرنیشنل کرکٹ سٹیڈیم میں صبح 10:30 بجے کھیلا جائے گا۔ پہلے سیمی فائنل کی فاتح ہندوستانی انڈر 19 ٹیم فائنل میں بنگلہ دیش کے خلاف کھیلتی نظر آئے گی۔
