نئی دہلی: آئی سی سی کے موجودہ چیئرمین گریگ بارکلے کی مدت ملازمت 30 نومبر کو ختم ہو رہی ہے۔ وہ مسلسل دوسری مرتبہ اس عہدے پر فائز ہوئے ہیں۔ لیکن انہوں نے حال ہی میں خود کو تیسری مدت کے لیے دوڑ سے الگ کر لیا ہے۔ ایسے میں کھیلوں کی عالمی گورننگ باڈی آئی سی سی میں چیئرمین کے عہدے کے لیے جے شاہ کا دعویٰ کافی مضبوط سمجھا جا رہا تھا۔
بورڈ آف کنٹرول فار کرکٹ ان انڈیا (بی سی سی آئی) کے سکریٹری جئے شاہ انٹرنیشنل کرکٹ کونسل (آئی سی سی) کے نئے چیئرمین بن گئے ہیں۔ جے شاہ اب گریگ بارکلے کی جگہ لیں گے۔ جے شاہ آئی سی سی چیئرمین کے عہدے کے لیے درخواست دینے والے واحد درخواست گزار تھے۔ ایسے میں الیکشن نہیں ہوئے اور جئے شاہ بلامقابلہ منتخب ہو گئے۔ آپ کو بتاتے چلیں کہ درخواست کی آخری تاریخ منگل (27 اگست) تھی۔
Jay Shah has been elected unopposed as the next Independent Chair of the ICC.https://t.co/Len6DO9xlE
— ICC (@ICC) August 27, 2024
آئی سی سی کے چیئرمین دو سال کی تین میعادوں کے لیے اہل ہیں اور نیوزی لینڈ کے وکیل گریگ بارکلے اب تک 4 سال مکمل کر چکے ہیں۔ بارکلے کو نومبر 2020 میں آئی سی سی کا آزاد چیئرمین مقرر کیا گیا تھا۔ وہ 2022 میں اس عہدے کے لیے دوبارہ منتخب ہوئے۔
شاہ کو آئی سی سی بورڈ کے سب سے بااثر چہروں میں سے ایک سمجھا جاتا ہے۔ وہ فی الحال آئی سی سی کی طاقتور مالیاتی اور تجارتی امور کی ذیلی کمیٹی کے سربراہ ہیں۔
جے شاہ سے پہلے چار ہندوستانی آئی سی سی چیف رہ چکے ہیں۔
جے شاہ سے پہلے چار ہندوستانی آئی سی سی کے چیئرمین رہ چکے ہیں۔ جگموہن ڈالمیا 1997 سے 2000 تک آئی سی سی کے صدر رہے۔ اس کے بعد شرد پوار 2010 سے 2012 تک صدر رہے۔ جبکہ این سری نواسن 2014-15 میں چیئرمین تھے۔ جبکہ ششانک منوہر 2015-2020 تک چیئرمین تھے۔ دراصل 2015 سے پہلے آئی سی سی چیف کو صدر کہا جاتا تھا۔ لیکن اس کے بعد انہیں چیئرمین کہا جانے لگا۔
