حیدرآباد: بھارتی کرکٹ ٹیم کے نئے کوچ گوتم گمبھیر نے بھارت کی قومی سلیکشن کمیٹی اور چیف سلیکٹر اجیت اگرکر کے ساتھ ورچوئلی میٹنگ کی۔ جس میں انہوں نے سری لنکا کے خلاف ہونے والی آئندہ سیریز کے لیے ٹیم کا انتخاب اور اپنے منصوبوں کے بارے میں معلومات فراہم کی۔ یہ میٹنگ تقریبا ایک گھنٹے تک جاری رہی۔
کِرکبز کی رپورٹ کے مطابق، میٹنگ میں سری لنکا کے خلاف آئندہ سیریز کے لیے ٹیم پر تبادلہ خیال کیا گیا، جس میں اجیت اگرکر کی سلیکشن کمیٹی کے اراکین، گمبھیر اور بی سی سی آئی کے سیکریٹری جے شاہ بھی شامل تھے۔ ذرائع کے مطابق کوچ گمبھیر نے واضح طور پر بی سی سی آئی کو یہ بتا دیا ہے کہ وہ سوریہ کمار یادو کو ٹی ٹوئنٹی میں بطور کپتان دیکھنا چاہتے ہیں جبکہ روہت کو ونڈے اور ٹیسٹ میں ٹیم کی قیادت کرتے ہوئے دیکھنا چاہتے ہیں۔
🚨 Breaking News 🚨
— Selfless⁴⁵ (@SelflessRohit) July 16, 2024
Gautam Gambhir made it clear to the BCCI that he wants Suryakumar Yadav to be the long-term T20I captain.
This also makes it clear that Gambhir wants Rohit Sharma to captain the longer formats (ODIs & Tests) until 2027. pic.twitter.com/B1LEp3C4Rt
اطلاعات کلے مطابق ورات کوہلی اور جسپریت بمراہ جیسے سینیئر کھلاڑیوں کو اس سیریز میں آرام دیئے جانے کی امید ہے۔ جس کی وجہ سے شریس ایئر اور کے ایل راہل جیسے کھلاڑیوں کو ٹیم واپسی کا موقع مل سکتا ہے، جنہیں ٹی 20 ورلڈ کپ کے لیے ٹیم میں منتخب نہیں کیا گیا تھا۔
ایسی بھی اطلاعات ہیں کہ کپتان روہت شرما کے سیریز سے باہر ہونے کی امید ہے لیکن ایسے اشارے مل رہے ہیں کہ وہ خود کو سیریز کے لیے دستیاب کر سکتے ہیں۔ ون ڈے سیریز میں نائب کپتان ہاردک پانڈیا کے دستیاب نہ ہونے کی وجہ سے کے ایل راہل یا سوریہ کمار یادو کو سیریز میں ٹیم کی قیادت کے لیے منتخب کیا جا سکتا ہے۔ پانڈیا کی انجری کی وجہ سے ان کی کپتانی کے بارے میں خدشات جنم لے رہے ہیں۔
رپورٹ میں مزید کہا گیا ہے کہ ہیڈ کوچ گمبھیر نے اپنے خیالات کا اظہار کرتے ہوئے یہ بھی بتایا کہ وہ ٹیم میں کس قسم کے کھلاڑی چاہتے ہیں۔ جس میں کھلاڑیوں کا عزم سب سے اہم عوامل میں سے ایک ہے۔ واضح رہے کہ بھارت اور سری لنکا کے درمیان محدود اوورز کی سیریز کا آغاز 27 جولائی سے ہوگا، جس میں تین ون ڈے انٹرنیشنل اور تین ٹی ٹوئنٹی انٹرنیشنل میچ کھیلے جائیں گے۔
