نئی دہلی: بنگلہ دیش کے خلاف 6 اکتوبر سے شروع ہونے والی ٹی ٹوئنٹی سیریز کے لیے بھارتی کرکٹ ٹیم کے اسکواڈ کا اعلان کر دیا گیا ہے۔ بی سی سی آئی نے ہفتے کی رات دیر گئے اپنے سوشل میڈیا اکاؤنٹ پر پوسٹ کرکے ٹیم انڈیا کے 15 رکنی اسکواڈ کا اعلان کیا ہے۔ بھارت کے تیز گیند باز مینک یادو کو ٹیم انڈیا کے لیے پہلی بار چنا گیا ہے۔ اس ٹیم کی کپتانی سوریہ کمار یادو کو دی گئی ہے۔
میچ کب اور کہاں کھیلے جائیں گے:
بھارتی سلیکٹرز نے بنگلہ دیش کے خلاف آئندہ آئی ڈی ایف سی فرسٹ بینک ٹی ٹوئنٹی سیریز کے لیے بھارت کے 15 رکنی اسکواڈ کا انتخاب کیا ہے۔ یہ سیریز ٹیسٹ سیریز کے بعد شروع ہوگی۔ اس سیریز کے تینوں میچ بالترتیب 6، 9 اور 12 اکتوبر کو گوالیر، نئی دہلی اور حیدرآباد میں کھیلے جائیں گے۔
NEWS 🚨 - #TeamIndia’s squad for T20I series against Bangladesh announced.
— BCCI (@BCCI) September 28, 2024
More details here - https://t.co/7OJdTgkU5q #INDvBAN @IDFCFIRSTBank pic.twitter.com/DOyz5XGMs5
اس سیریز میں ہاردک پانڈیا کی ٹیم میں واپسی ہوئی ہے، جو سری لنکا کے خلاف ٹی ٹوئنٹی سیریز کا حصہ نہیں تھے۔ ساتھ ہی مینک یادو کو پہلی بار ٹیم انڈیا میں شامل کیا گیا ہے۔ وہیں کے کے آر کے اسٹار اسپنر ورون چکرورتی کو بھارتی ٹیم میں جگہ دی گئی ہے۔ ساتھ ہی نتیش کمار ریڈی، ہرشت رانا کو بھی ٹیم میں جگہ ملی ہے۔ یہ دونوں پہلے بھی ٹیم میں شامل ہو چکے ہیں لیکن انہیں ابھی تک بھارت کے لیے ڈیبیو کا موقع نہیں ملا ہے۔ اس ٹی ٹوئنٹی سیریز میں رشبھ پنت، جسپریت بمراہ، محمد سراج، یشسوی جیسوال اور شبمن گل کو آرام دیا گیا ہے۔
JUST IN - Mayank Yadav has been picked in the India squad for the T20I series against Bangladesh.
— Cricbuzz (@cricbuzz) September 28, 2024
Allrounder Nitish Kumar Reddy finds a spot too in the 15-man group. pic.twitter.com/MTOD7ITXcj
بھارتی اسکواڈ:
سوریہ کمار یادو (کپتان)، ابھیشیک شرما، سنجو سیمسن (وکٹ کیپر)، رنکو سنگھ، ہاردک پانڈیا، ریان پراگ، نتیش کمار ریڈی، شیوم دوبے، واشنگٹن سندر، روی بشنوئی، ورون چکرورتی،جتیش شرما (وکٹ کیپر)، ارشدیپ سنگھ، ہرشت رانا، مینک یادو۔
