نئی دہلی: ٹیم انڈیا کے سابق ہیڈ کوچ راہل داروڈ سے CEAT کرکٹ ایوارڈز تقریب میں سوال و جواب کے سیشن کے دوران، دراوڈ سے ایک سوال پوچھا گیا کہ 'بائیوپک میں راہل دراوڈ کا کردار کون ادا کرے گا؟'
جس پر سابق بھارتی بلے باز نے مزاحیہ انداز میں جواب دیتے ہوئے کہا کہ اگر پیسہ اچھا ملا تو میں خود اس میں کردار ادا کروں گا۔ حال ہی سابق بھارتی آل راونڈر یوراج سنگھ کی بائیوپک فلم بنانے کا اعلان کیا گیا ہے۔
واضح رہے کہ راہل کی کوچنگ میں بھارت نے ٹی ٹوئنٹی ورلڈ کپ 2024 کا ٹائٹل جیتنے میں کامیاب رہا، جس کی وجہ سے دراوڈ کو تقریب کے دوران لائف ٹائم اچیومنٹ ایوارڈ سے نوازا گیا۔
اس موقع پر دراوڈ نے کہا کہ ٹورنامنٹ کے دوران شائقین میں کافی جوش و خروش تھا اور ایسا جذبہ دیکھنا ناقابل یقین تھا۔ دراوڈ نے یہ بھی کہا کہ انھوں نے بطور کھلاڑی کبھی بھی ورلڈ کپ جیتنے والی ٹیم کا حصہ نہیں رہے لیکن ایک کوچ کی حیثیت سے ایک شہر سے دوسرے شہر میں جانا اور یہ دیکھنا کہ اس ملک کے لوگوں کے لیے اس کھیل کا کیا مطلب ہے، یہ تجربہ حیرت انگیز اور ناقابل یقین تھا۔
CEAT کرکٹ ایوارڈز تقریب کے 26ویں ایڈیشن میں ان کرکٹرز اور کھیلوں کی شخصیات کے گروپ کو اعزاز سے نوازا گیا جنہوں نے سال بھر شاندار کارکردگی کا مظاہرہ کیا۔ جس میں فل سالٹ کو مینز ٹی ٹوئنٹی بیٹسمین آف دی ایئر کا ایوارڈ دیا گیا، جبکہ ٹم ساؤتھی کو مینز ٹی ٹوئنٹی بولر آف دی ایئر کا ایوارڈ دیا گیا۔ ویراٹ کوہلی نے مینز ون ڈے بیٹسمین آف دی ایئر کا ٹائٹل جیتا جبکہ محمد شامی نے مینز ون ڈے بولر آف دی ایئر کا ٹائٹل اپنے نام کیا۔
