کیا ٹیم انڈیا پاکستان جائے گی؟ امت شاہ کے اس بیان نے تصویر صاف کر دی - Champions Trophy 2025

پاکستان کی میزبانی میں منعقد ہونے والا آئی سی سی چیمپئنز ٹرافی 2025 کے متعلق ابھی بھی سب سے بڑا یہی سوال بنا ہوا ہے کہ کیا بھارتی ٹیم آئی سی سی کے میگا ایونٹ میں شرکت کے لیے پاکستان جائے گی یا نہیں۔ اس تعلق سے اب بھارتی حکومت نے بھی اپنا موقف واضح کر دیا ہے۔

حیدرآباد: چیمپئنز ٹرافی 2025 کا انعقاد اگلے سال فروری میں پاکستان کی میزبانی میں ہونے جارہا ہے۔ آئی سی سی کے اس میگا ایونٹ کے شروع ہونے میں اب صرف چار ماہ باقی ہیں لیکن ایک بڑے سوال کا جواب ابھی آنا باقی ہے کہ آیا بھارتی کرکٹ ٹیم چیمپئنز ٹرافی کھیلنے پاکستان جائے گی یا نہیں۔

اس تعلق سے طرح طرح کی قیاس آرائیاں کی جارہی ہیں۔ اب مرکزی وزیر داخلہ امت شاہ نے اس پر بڑا بیان دے کر تقریبا تصویر صاف کردی ہے۔ ان کا کہنا ہے کہ دہشت گردی کے حالات میں بھارت اور پاکستان کے درمیان کوئی رشتہ ممکن نہیں ہے۔

مرکزیی وزیر داخلہ امت شاہ نے اسپورٹس تک سے خصوصی گفتگو کے دوران کہا کہ 'ہم دہشت گردی کے مکمل خاتمے تک پاکستان کے ساتھ بات چیت کے حق میں نہیں ہیں'۔ جس کے بعد یہ قیاس کیا جانے لگا کہ بھارتی کرکٹ ٹیم اب پاکستان نہیں جائے گی۔

India's Home Minister Amit Shah said - " we are not in favour of holding talks with pakistan until terrorism is completely does not end". (sports tak).

- this indicates that team india will not go to pakistan for the champions trophy 2025...!!!! pic.twitter.com/K6UjxDfEAj

— Tanuj Singh (@ImTanujSingh) September 6, 2024

امت شاہ کے اس بیان سے صاف ظاہر ہو رہا ہے کہ بھارتی ٹیم اس وقت تک پاکستان کا دورہ نہیں کرے گی جب تک پاکستان سے دہشت گردی کا خاتمہ نہیں ہو جاتا۔ واضح رہے کہ اس سے قبل بی سی سی آئی کے نائب صدر راجیو شکلا نے بھی بھارتی کرکٹ ٹیم کے پاکستان جانے کے حوالے سے کہا تھا کہ اگر حکومت اجازت دیتی ہے تو پھر ہمیں پاکستان جانے میں کوئی دِقت نہیں ہے۔

اس سے قبل بی سی سی آئی کے سکریٹری اور آئی سی سی کے نئے چیئرمین جے شاہ نے بھی کئی مواقع پر اس بات کا اعادہ کر چکے ہیں کہ ٹیم انڈیا پاکستان نہیں جائے گی۔ بلکہ وہ اس میگا ایونٹ کو بھی ہائبرڈ ماڈل میں کرانے کے حق میں ہیں۔ لیکن پاکستان اس کے لیے تیار نہیں ہے۔

انہوں نے ایشیا کپ میں بھی بھارتی ٹیم کو پاکستان نہیں بھیجا تھا۔ جس کی وجہ سے ٹورنامنٹ کا انعقاد ہائبرڈ ماڈل میں کھیلا گیا تھا اور ٹیم انڈیا نے اپنا سارا میچ سری لنکا میں کھیلا تھا۔ اب جب کہ وہ آئی سی سی کے نئے چیئرمین بن چکے ہیں اور یکم دسمبر اس عہدہ پر براجمان بھی ہو جائیں گے تو ان کے پاس بھارتی ٹیم کو پاکستان بھیجنے کے تعلق مزید اختیار ہوگا۔ چیمپئنز ٹرافی کا آغاز 19 فروری سے ہو رہا ہے، جس کا اختتام 9 مارچ کو فائنل میچ کے ساتھ ہوگا۔