حیدرآباد: ٹی ٹوئنٹی ورلڈ کپ 2024 میں اپنی شاندار کارکردگی کے بعد ہاردک پانڈیا دنیا کے نمبر ون آل راؤنڈر بن گئے ہیں۔ آئی سی سی کی جانب سے ٹی ٹوئنٹی انٹرنیشنل رینکنگ کو اپ ڈیٹ کیے جانے کے بعد، نئی رینکنگ کے مطابق پانڈیا کو دو کا فائدہ ہوا، جس سے وہ ٹاپ پر پہنچ گئے۔
Hardik Pandya rises to No.1 in the latest ICC Men's T20I All-rounder Rankings 🔝
— ICC (@ICC) July 3, 2024
How the Rankings look after #T20WorldCup 2024 ⬇️https://t.co/vbOk3XT7C3
ٹیم انڈیا کے نائب کپتان نے ٹی ٹوئنٹی ورلڈ کپ 2024 میں بلے اور گیند دونوں سے شاندار کارکردگی کا مظاہرہ کیا۔ فائنل میچ میں ہاردک نے ہینرک کلاسن اور ڈیوڈ ملر کی وکٹیں حاصل کرکے ورلڈ کپ کی ٹرافی بھارت کے ہاتھ میں رکھ دی۔ پانڈیا نے ورلڈ کپ کے 8 میچوں کی 6 اننگز میں 151.57 کے اسٹرائیک ریٹ سے 144 رنز بنائے جس میں ایک نصف سنچری بھی شامل تھی۔ گیندبازی میں پانڈیا نے 8 میچوں میں کل 11 وکٹیں حاصل کیں۔
اس کے علاوہ آل راونڈر کی رینکنگ میں مارکس اسٹونیس، سکندر رضا، شکیب الحسن اور لیام لیونگ اسٹون ایک ایک درجہ ترقی کر کے تیسری، چوتھی اور پانچویں پوزیشن پر پہنچ گئے ہیں۔ افغانستان کے آل راؤنڈر محمد نبی چار درجے نیچے کھسک کر ٹاپ فائیو سے باہر ہوگئے ہیں۔
ٹی ٹوئنٹی بولنگ رینکنگ میں جنوبی افریقہ کے اینریچ نورٹجے نے کیریئر کی بہترین دوسری پوزیشن حاصل کی۔ وہ سات درجے ترقی کرکے 675 ریٹنگ پوائنٹس کے ساتھ ٹاپ پر عادل رشید سے پیچھے ہیں۔
