پیرس: ہندوستانی کھلاڑی پیرس اولمپکس 2024 میں شاندار کارکردگی کا مظاہرہ کر رہے ہیں۔ ہندوستان نے اب تک کل 3 تمغے جیتے ہیں جن میں سے 2 تمغے ہندوستانی خاتون شوٹر منو بھاکر نے جیتے ہیں۔ ہندوستانی شائقین پیرس اولمپکس میں بیڈمنٹن کھلاڑیوں سے تمغوں کی توقع کر رہے تھے لیکن ایسا نہیں ہوا۔ ہندوستانی شٹلرز اس بار اولمپکس سے خالی ہاتھ لوٹ رہے ہیں۔ تین اولمپکس کے بعد یہ پہلا موقع ہے جب ہندوستانی شٹلرز بغیر تمغے کے اولمپکس سے واپس لوٹ رہے ہیں۔
🇮🇳😓 𝗔 𝘁𝗼𝘂𝗴𝗵 𝗰𝗮𝗺𝗽𝗮𝗶𝗴𝗻 𝗳𝗼𝗿 𝗼𝘂𝗿 𝘀𝗵𝘂𝘁𝘁𝗹𝗲𝗿𝘀! India's badminton campaign at #Paris2024 didn't pan out the way we had all hoped it would at the start of the Olympics.
— India at Paris 2024 Olympics (@sportwalkmedia) August 6, 2024
🏸 Here's a look at how India's shuttlers have performed at the Olympics over the years.… pic.twitter.com/hJcryeykUV
کن اولمپکس میں ہندوستانی شٹلرز نے کتنے تمغے جیتے؟
لندن اولمپکس 2012 میں ہندوستان نے ایک تمغہ جیتا تھا جہاں ہندوستان کی لیجنڈری خاتون شٹلر سائنا نہوال نے ہندوستان کے لیے کانسے کا تمغہ جیتا تھا۔
اس کے بعد ہندوستان نے ریو اولمپکس 2016 میں ایک تمغہ جیتا تھا، جہاں پی وی سندھو نے ہندوستان کے لیے چاندی کا تمغہ جیتا تھا۔
ہندوستان نے ٹوکیو اولمپکس 2020 میں بھی تمغہ جیتا تھا، سندھو نے ایک بار پھر ٹوکیو میں ملک کے لیے کانسے کا تمغہ جیتا تھا۔
ہندوستانی شٹلرز پیرس اولمپکس 2024 میں ایک بھی تمغہ نہیں جیت سکے۔ہندوستام کے 22 سالہ شٹلر لکشیا سین کے پاس ہندوستان کے لیے کانسے کا تمغہ حاصل کرنے کا موقع تھا لیکن وہ ایسا نہ کر سکے۔ہندوستان کو پیرس اولمپکس سے بیڈمنٹن میں تمغہ حاصل کیے بغیر ہی واپس لوٹنا پڑا۔
ہندوستان کی پہلی امید ہندوستان کی خاتون اسٹار اور دو مرتبہ کی اولمپک تمغہ جیتنے والی پی وی سندھو سے تھی لیکن وہ کوارٹر فائنل میں شکست کے بعد باہر ہوگئیں۔
اس کے بعد مینز ڈبلز میں ہندوستانی جوڑی ستوک سائراج اور چراغ شیٹی سے بھی میڈل کی توقع تھی لیکن یہ دونوں کوارٹر فائنل سے بھی باہر ہوگئے۔
یہ بھی پڑھیں:ناکامیوں کا ذمہ دار صرف کھلاڑیوں پر ہی کیوں پھوڑا جاتا ہے: بھارتی شٹلر اشونی پونپا -
لکشیا سین سیمی فائنل میں ہار گئے جس کے بعد وہ کانسی کے تمغے کے مقابلے میں بھی ہار گئے۔ اس کے ساتھ ہی ہندوستان بیڈمنٹن میں تمغہ جیتنے سے محروم رہا۔
