ناگپور: ودربھ کے سابق کپتان اور ملک کے لیے واحد ون ڈے کھیلنے والے فیض فضل نے پیشہ ورانہ کرکٹ سے ریٹائرمنٹ لے لی ہے۔ فضل نے اتوار کو اپنے سوشل میڈیا پلیٹ فارم انسٹاگرام پر ایک پوسٹ میں لکھا، ’’کل میں آخری بار ناگپور کے میدان پر کرکٹ کھیلوں گا، جہاں 21 سال پہلے میرا فرسٹ کلاس کرکٹ کا سفر شروع ہوا تھا۔ یہ ایک ناقابل فراموش یاد ہے، جسے میں زندگی بھر یاد رکھوں گا۔‘‘
انہوں نے کہا، ’’ودربھ اور ہندوستانی ٹیم کی نمائندگی کرنا اور ان جرسیوں کو پہننا میرے لیے فخر کی بات ہے۔ میں اپنے نمبر 24 جرسی کو بہت یاد کروں گا۔ ایک باب ختم ہونے پر دوسرا باب آپ کا منتظر ہوتا ہے۔ میں دیکھتا ہوں کہ زندگی مجھے مزید کون سے مواقع فراہم کرتی ہے۔
قابل ذکر ہے کہ فضل نے زمبابوے کے خلاف بین الاقوامی کرکٹ میں ڈیبیو کیا تھا۔ انہوں نے ہندوستان کے لیے کھیلے گئے واحد ون ڈے میچ میں نصف سنچری بنائی۔ انہوں نے 17 دسمبر 2003 کو ودربھ کرکٹ گراؤنڈ میں اپنا پہلا رنجی میچ کھیلا۔ فیض نے رنجی ٹرافی کے ڈیبیو میچ میں 151 رنز بنائے تھے۔ انہوں نے کل 137 فرسٹ کلاس میچز، 113 لسٹ اے میچز اور 66 ٹی-20 میچز کھیلے ہیں۔ انہوں نے 53 فرسٹ کلاس، 36 لسٹ اے اور 27 ٹی 20 میچوں میں ودربھ کی کپتانی کی۔
وہ فرسٹ کلاس اور لسٹ اے کرکٹ دونوں میں ودربھ کے لیے سب سے زیادہ رنز بنانے والے کھلاڑی ہیں۔ وہ ودربھ کے لیے 100 سے زیادہ میچ کھیلنے والے واحد کھلاڑی بھی ہیں۔ انہوں نے فرسٹ کلاس کرکٹ میں 24 سنچریوں اور 39 نصف سنچریوں کی مدد سے 9184 رنز بنائے ہیں۔ انہوں نے لسٹ اے کرکٹ میں 67.91 کی اوسط سے 3641 رنز بنائے ہیں۔ (یو این آئی)
- " class="align-text-top noRightClick twitterSection" data="">
