کولکاتا:مغربی بنگال کے دارالحکومت کولکاتا میں واقع کیشور بھارتی اسٹیڈیم میں محمڈن اسپورٹنگ اور انڈین نیوی کی ٹیمیں نبرد آزما ہوئیں۔دونوں ٹیموں نے جارحانہ انداز میں کھیل کا مظاہرہ کیا۔
دونوں ٹیموں نے پہلے ہاف میں ایک دوسرے پر گرفت مضبوط بنانے کی بھر پورکوشش کی ۔دونوں جانب سے پے در پے حملے ہوئے مگر کسی بھی کو بھی گول کرنے میں کامیابی نہیں ملی۔
Wrapping up our #DurandCup2024 campaign on a positive note. 💪#JaanJaanMohammedan 💪🏼#BlackAndWhiteArmy 🤍🖤 #DurandCup2024 #IndianFootball ⚽ #ISL #INFT pic.twitter.com/enU3nKNCqa
— Mohammedan SC (@MohammedanSC) August 13, 2024
محمڈن اسپورٹنگ اور انڈین نیوی کی جانب سے گول کرنے کی کوشش جاری رہی ۔کھیل کے 24 ویں منٹ پر سجیت سنگھ نے گول کرکے محمڈن اسپورٹنگ کو ایک صفر کی سبقت دلائی۔کھیل کے اختتام تک محمڈن اسپورٹنگ ایک صفر کی سبقت برقرار رکھتے ہوئے ڈورنڈ کپ کے آخری میچ میں جیت درج کی۔
انڈین نیوی کے کھلاڑیوں کی بھر پور کوشش کے باوجود ایک صفر کا خسارہ ختم نہیں ہو سکا۔محمڈن اسپورٹنگ کی ایک صفر کی برتری برقرار رہی۔
یہ بھی پڑھیں:بیڈمنٹن کھلاڑیوں پر کروڑوں روپئے خرچ ہونے کے باوجود ایک بھی میڈل نہیں جیت سکے
دوسرے ہاف میں بھی محمڈن اسپورٹنگ کی جانب سے جارحانہ کھیل دیکھنے کو ملا۔محمڈن اسپورٹنگ نے حریف ٹیم پر گرفت بنانے کی ہر ممکن کوشش کی ۔مگر حریف ٹیم کے خلاف مزید گول کرنے میں ناکام رہی۔
ڈورنڈ کپ 2024 میں محمڈن اسپورٹنگ کی ٹیم کو تین میچوں میں ایک میچ میں جیت ملی جبکہ ایک میچ میں شکست کا سامنا کرنا پڑ اور اور ایک میچ ڈرا رہا ہے۔
