نئی دہلی: ایل ایس جی کے نئے ہیڈ کوچ جسٹن لینگر نے بدھ کے روز کہا کہ ڈیوڈ ولی سیزن کے آغاز میں نہیں کھیل سکیں گے کیونکہ وہ ابوظہبی نائٹ رائیڈرز اور ملتان سلطانز کے لیے گزشتہ دو مسلسل مہینوں میں کھیل چکے ہیں۔
ڈیوڈ ولی کو ایل ایس جی نے دسمبر میں ہونے والی نیلامی میں 2 کروڑ روپے میں خریدا تھا۔ اس سے قبل انگلینڈ کرکٹ بورڈ (ای سی بی) نے ٹی۔ٹوئنٹی ورلڈ کپ کے پیش نظر ورک مینجمنٹ کی وجہ سے مارک ووڈ کو کھیلنے سے منع کر دیا تھا۔ ووڈ کی جگہ ویسٹ انڈیز کے فاسٹ بولر شمر جوزف کو ٹیم میں شامل کیا گیا، ڈیوڈ ولی کی جگہ ابھی تک کسی کو منتخب نہیں کیا گیا۔
لینگر نے کہاکہ مارک ووڈ ٹورنامنٹ سے دستبردار ہو گئے ہیں اور ڈیوڈ ولی بھی نہیں آ رہے ہیں جس سے تجربہ کار کھلاڑیوں کی تعداد کم ہو جائے گی۔ لیکن پچھلے کچھ دنوں میں ہم نے دیکھا ہے کہ ہمارے پاس بہت زیادہ ہنر ہے۔ ہمارے کچھ کھلاڑی زخمی ہوئے تھے لیکن اب وہ سب فٹ دکھائی دے رہے ہیں۔
یہ بھی پڑھیں:کولکاتا نائٹ رائڈرس نے مجھے ایک کامیاب لیڈر بنایا: گوتم گمبھیر
انہوں نے کہاکہ ہمارے پاس شمر جوزف اور میانک ہیں جو اچھی رفتار سے بولنگ کر سکتے ہیں۔ امید ہے کہ ہم ووڈ کے تجربے سے نہیں بلکہ رفتار سے بدلیں گے۔اتوار کو جے پور میں ہونے والے اپنے پہلے میچ میں ایل ایس جی کا مقابلہ راجستھان رائلز سے ہوگا۔
یواین آئی
