چنئی:چنئی نے تحمل سے بلے بازی کے ذریعے 138 رن کے چھوٹے ہدف کا تعاقب کرنے کی کوشش کی، لیکن چوتھے اوور میں ویبھو نے 15 رنز بنا کر راچن رویندرا کو چکرورتی کے ہاتھوں کیچ آؤٹ کروا کے چنئی کو پہلا جھٹکا دیا۔ اس کے بعد کپتان روتوراج گائیکواڑ اور ڈیرل مچل نے اننگز کی ذمہ داری سنبھالی اور دوسری وکٹ کے لیے 70 رنز جوڑے اور ٹیم کو فتح کی دہلیز پر پہنچا دیا۔
اس دوران ڈیرل مچل 13ویں اوور میں 25 رنز بنانے کے بعد آؤٹ ہوئے۔ وہ نارائن کے ہاتھوں بولڈ آؤٹ ہوئے۔ گائیکواڑ نے 58 گیندوں میں آٹھ چوکوں کی مدد سے 67 رنز کی ناقابل شکست اننگز کھیلی۔ شیوم دوبے نے آخری اوور میں 18 گیندوں پر ایک چوکا اور تین چھکے لگا کر 28 رنز بنائے۔ چنئی نے 17.4 اوور میں تین وکٹ پر 141 رن بناکر سات وکٹ سے میچ جیت لیا۔
یہ بھی پڑھیں:گجرات سے بدلہ لینے کے ساتھ ہی لکھنؤ نے جیت کی ہیٹ ٹرک بنائی - IPL 2024
گایکواڑ نے چوکا لگا کر ٹیم کو فتح سے ہمکنار کیا۔ پانچ میچوں میں چنئی کی یہ تیسری جیت ہے۔ ویبھو اروڑہ نے دو اور سنیل نارائن نے ایک بلے باز کو آؤٹ کیا۔اس سے قبل کولکاتہ نے کپتان شریاس ایئر کی 34 رنز، سنیل نارائن کی 27 رنز اور انگکرش راگھونشی کی 24 رنز کی اننگز کی بدولت چنئی سپر کنگس کو جیت کے لیے 138 رنز کا ہدف دیا تھا۔
یو این آئی