کنگسٹن (سینٹ ونسنٹ): بنگلہ دیش نے ہالینڈ کو رنوں سے شکست دے کر سپر ایٹ میں پہنچنے کا امکان روشن کر لیا۔ شکیب الحسن کی ناقابل شکست نصف سنچری نے بنگلہ دیش کو جمعرات کو آئی سی سی مینز ٹی ٹوئنٹی ورلڈ کپ کے گروپ ڈی کے میچ میں نیدرلینڈز کو 25 رنز سے شکست دے کر سپر 8 مرحلے کے لیے کوالیفائی کرنے کی دہلیز پر پہنچا دیا۔
160 رنز کے ہدف کے تعاقب میں نیدرلینڈز کا آغاز خراب رہا اور مائیکل لیویٹ (18) کو تسکین احمد نے پانچویں اوور میں 22 رنوں کے مجموعی اسکور پر آؤٹ کر دیا۔ میکس او ڈاؤڈ بھی 12 رنز بنا کر آؤٹ ہوئے، تنجم حسن نے اپنی ہی گیند پر کیچ آؤٹ کیا۔ وکرمجیت سنگھ (28) اور سائبرینڈ اینجلبرچٹ (33) نے اسکور کو 69 تک پہنچایا۔اینگلبریچٹ اور کپتان اسکاٹ ایڈورڈز (25) اسکور کو 110 تک لے گئے لیکن سائبرینڈ ایڈورڈز کو رشاد حسین نے آؤٹ کر دیا۔ ڈچ ٹیم کی لڑائی اس وقت ختم ہوئی جب ایڈورڈز 23 گیندوں پر 25 رنز بنا کر مستفیض الرحمان کے ہاتھوں آؤٹ ہوئے ۔ ہالینڈ کو 25 رنز سے شکست کا سامنا کرنا پڑا۔
اس سے قبل، شکیب الحسن کے شاندار 46 گیندوں پر ناٹ آؤٹ 64 رنوں کی بدولت بنگلہ دیش نے پہلی اننگز میں 159/5 کے اچھے اسکور تک پہنچایا۔تنجید حسن (35)، محمود اللہ (25) اور ذکر علی (14 ناٹ آؤٹ) رن بنائے ۔ شکیب نے کریز پر 74 منٹ گزارے۔اس کے دوران انہوں نے 9 چوکے لگائے اور محمود اللہ کے ساتھ پانچویں وکٹ کے لیے 41 رنز جوڑے۔
یہ بھی پڑھیں:عمان کو آٹھ وکٹوں سے شکست ،انگلینڈ کے سپر8 میں کوالیفائی کرنے کا امکان روشن
بنگلہ دیش اور نیدرلینڈز اس گروپ سے سپر8 راونڈ کی دوڑ میں تھے۔دونوں ٹیموں کو اپنے آخری میچ جیتنا ہوگا جبکہ جنوبی افریقہ نے تین میچوں میں تین جیت کے ساتھ اگلے مرحلے میں جگہ پکی کر لی ہے۔
