نئی دہلی: آئی پی ایل 2024 کا 56 واں میچ دہلی کیپٹلس اور راجستھان رائلز کا یہ میچ دہلی کے ارون جیٹلی اسٹیڈیم میں شام 7.30 بجے سے کھیلا جائے گا۔ اس میچ میں دہلی کیپٹلس کی کپتانی رشبھ پنت کے ہاتھ میں ہوگی، جبکہ سنجو سیمسن آر آر کی کمان سنبھالتے نظر آئیں گے۔
اس سیزن میں ان دونوں ٹیموں کے درمیان پہلا مقابلہ 28 مارچ کو جے پور کے سوائی مان سنگھ اسٹیڈیم میں ہوا تھا۔اس میچ میں راجستھان نے دہلی کو 12 رنز سے شکست دی تھی۔ اب دہلی راجستھان کو گھر پر شکست دے کر پچھلی شکست کا بدلہ لینا چاہے گی۔
دونوں ٹیموں کی کار کردگی :
راجستھان رائلز نے اس سیزن میں اب تک 10 میچ کھیلے ہیں۔اس نے 8 میچ جیتے اور صرف 2 میچ ہارے۔ راجستھان پوائنٹس ٹیبل میں 16 پوائنٹس کے ساتھ دوسرے نمبر پر ہے۔ دہلی کیپٹلس نے آئی پی ایل 2024 میں اب تک کل 11 میچ کھیلے ہیں۔ ٹیم کی ٹیم کو 6 میچوں میں شکست کا سامنا کرنا پڑا جبکہ 5 میچوں میں جیت درج کی۔پوائنٹس ٹیبل پر چھٹے نمبر پر موجود ہے۔
یہ بھی پڑھیں:چنئی سپرکنگ کی پنجاب پر شاندار جیت - PBKS vs CSK
دونوں ٹیموں کا مقابلہ:
دہلی اور راجستھان کے درمیان اب تک کل 28 میچ کھیلے جا چکے ہیں جن میں سے راجستھان رائلز کی ٹیم نے 15 میچ جیتے ہیں۔ وہیں دہلی کیپٹلس کی ٹیم نے صرف 13 میچ جیتے ہیں۔ اگر ہم ان دونوں ٹیموں کے درمیان آخری 5 میچوں کی بات کریں تو یہاں بھی راجستھان کو برتری حاصل ہے۔ راجستھان نے پچھلے 5 میں سے 3 میچ جیتے ہیں، جبکہ دہلی نے صرف 2 میچ جیتے ہیں۔
