ٹرینیڈاڈ: ٹرینیڈاڈ کے برائن لارا اسٹیڈیم میں افغانستان اور جنوبی افریقہ کے درمیان آئی سی سی ٹی20 ورلڈ کپ 2024 کا پہلا سیمی فائنل میچ کھیلا جائے گا۔اس میچ میں افغانستان کی کپتانی راشد خان اور جنوبی افریقہ کی قیادت ایڈم مارکرم سنبھالیں گے۔اس میچ سے پہلے ہم آپ کو پچ اور موسم کی رپورٹ کے علاوہ دونوں ٹیموں کے اعدادوشمار کے بارے میں بتانے جارہے ہیں۔
افغانستان بمقابلہ جنوبی افریقہ
ان دونوں ٹیموں کے درمیان کل 2 ٹی ٹوئنٹی انٹرنیشنل میچز کھیلے جا چکے ہیں۔ اس دوران افریقی ٹیم دونوں میچ جیت چکی ہے۔ اب افغانستان یہ سیمی فائنل جیت کر اپنے اعدادوشمار کو بہتر کرنا چاہے گا۔
Unbeaten South Africa 🇿🇦 takes on miraculous Afghanistan 🇦🇫 in the first #TerrificThursday match! 🏏
— Star Sports (@StarSportsIndia) June 26, 2024
Only one team will make it to their first-ever final. Who are you rooting for? 🏆#SemiFinal1 | #SAvAFG | TOMORROW, 6 AM | #T20WorldCupOnStar pic.twitter.com/6aZEUHGqbh
برائن لارا اسٹیڈیم کی پچ رپورٹ
ٹرینیڈاڈ کے برائن لارا اسٹیڈیم کی پچ کو گیند بازوں کے لیے مددگار سمجھا جاتا ہے۔ اس پچ پر تیز گیند باز نئی گیند سے وکٹ حاصل کرتے ہیں اور اسپنرز پرانی گیند سے۔ بلے باز کے لیے یہاں رنز بنانا قدرے مشکل ہے۔ اس پچ پر پہلی اننگز کا اوسط اسکور 135 اور دوسری اننگز کا اوسط اسکور 122 رنز ہے۔
دونوں ٹیموں کے اہم کھلاڑی
اس میچ میں رحمان اللہ گرباز، ابراہیم زدران، راشد خان، نوین الحق اور فضل الحق فاروقی افغانستان کے لیے اہم ثابت ہو سکتے ہیں۔ یہ تمام کھلاڑی اس ٹورنامنٹ کے ٹاپ وکٹ لینے والے اور رن بنانے والوں میں شامل ہیں۔
Afghan players have entered the semis against all odds! 🙌
— Star Sports (@StarSportsIndia) June 26, 2024
Let's hear what @rashidkhan_19, @MohammadNabi007 & @AzmatOmarzay feel about playing in the #T20WorldCup and what it means to the nation! 😍#SemiFinal1 | #SAvAFG | TOMORROW, 6 AM | #T20WorldCupOnStar pic.twitter.com/VaO8TF2StA
یہ بھی پڑھیں:ہندوستان اور انگللینڈ کے سیمی فائنل میں بارش کا امکان
جنوبی افریقہ کو کوئنٹن ڈی کاک، ڈیوڈ ملر اور ہنرک کلاسن سے رنز بنانے کی توقع ہوگی جبکہ اینریک نورٹجے، کاگیسو ربادا اور کیشو مہاراج سے گیند کے ساتھ وکٹ لینے کی توقع ہوگی۔تبریز شمسی کو اگر سیمی فائنل میں کھیلنے موقع ملتا ہے تو حریف ٹیم کے لئے خطرناک ثابے ہو سکتے ہیں۔
افغانستان اور جنوبی افریقہ کی ممکنہ پلیئنگ الیون
افغانستان: رحمان اللہ گرباز (وکٹ کیپر)، ابراہیم زدران، گلبدین نیب، عظمت اللہ عمرزئی، محمد نبی، کریم جنت، راشد خان (کپتان)، نور احمد، نوین الحق، فضل الحق فاروقی، نجیب اللہ زدران
جنوبی افریقہ: کوئنٹن ڈی کاک (وکٹ کیپر)، ریزا ہینڈرکس، ایڈن مارکرم (کپتان)، ڈیوڈ ملر، ہنرک کلاسن، ٹرسٹن اسٹبس، مارکو جینسن، کیشو مہاراج، کاگیسو ربادا، اینریک نورٹجے، تبریز شمسی۔
