جموں: لوک سبھا انتخابات میں پیپلز ڈیموکریٹک پارٹی (پی ڈی پی) اور این سی نے ادھم پور پارلیمانی نشست پر کانگریس امیدوار چودھری لال سنگھ کی حمایت کرنے کا اعلان کیا ہے، دونوں جماعتوں نے اس بار اس حلقے سے اپنے امیدوار میدان میں نہیں اتارے ہیں۔ پی ڈی پی صدر محبوبہ مفتی نے ضلع کٹھوعہ میں اپنی پارٹی ٹیم سے لال سنگھ کی حمایت میں مہم چلانے کا عندیہ دیا ہے۔
اس بات کا انکشاف پی ڈی پی کے ضلع کوآرڈینیٹر کٹھوعہ گرو پرساد ورما نے گزشتہ روز کٹھوعہ میں لال سنگھ کی رہائش گاہ پر ایک پریس کانفرنس کے دوران کیا۔ اس کے بعد رام لیلا میدان میں منعقدہ لال سنگھ کی ریلی میں شرکت کرکے انہوں نے اسٹیج پر پی ڈی پی کی طرف سے لال سنگھ کی حمایت کا رسمی طور اعلان بھی کیا، تاہم فی الحال پی ڈی پی صدر محبوبہ مفتی کا خود کٹھوعہ میں انتخابی جلسوں میں براہ راست آکر انتخابی مہم چلانے کا منصوبہ ہیں یا نہیں اس بات کی تصدیق نہیں ہو پائی ہے۔
گزشتہ انتخابات میں محبوبہ مفتی نے خود کٹھوعہ میں کئی انتخابی ریلیوں سے خطاب کیا ہے۔ کٹھوعہ میں محبوبہ مفتی کی انتخابی مہم سے ان کے دور رہنے کی بڑی وجہ کٹھوعہ عصمت دری کیس میں لال سنگھ کا انہیں نشانہ بنانا بھی سمجھا جا سکتا ہے۔ تاہم، وہ مستقبل میں کیا فیصلہ لیتی ہے اس بارے میں کچھی بھی نہیں کہا جا سکتا کیونکہ معروف ہے کہ ’’سیاست میں کوئی کسی کا دشمن نہیں ہوتا۔‘‘ دشمنی صرف مختلف نظریات کی وجہ سے ہو سکتی ہے، جیسے لال سنگھ کو اب جتیندر سنگھ کا کٹر سیاسی دشمن سمجھا جاتا ہے۔ لال سنگھ نے 2014 میں غلام نبی آزاد کو ہرانے میں جتیندر سنگھ کی مدد کی تھی، اس وقت جتیندر سنگھ نے غلام نبی آزاد سے 62 ہزار کی برتری سے کامیابی حاصل کی تھی۔
یہ بھی پڑھیں: ادھمپور پارلیمانی نشست کا اجمالی خاکہ - Udhampur Parliamentary Seat Profile
