’دفعہ 370 کو کمزور کرنے والے اس کے تحفظ کی بات کر رہے ہیں‘ - Article 370

جموں کشمیر میں اسمبلی انتخابات کے پیش نظر امیدوار نہ صرف لوگوں سے وعدے اور دعوے کر رہے ہیں بلکہ حریف سیاسی جماعتوں اور ان کے امیدواروں کی بھی شدید مزمت کر رہے ہیں۔

پلوامہ: جنوبی کشمیر کے ضلع پلوامہ میں سیاسی جماعتوں نے اسمبلی انتخابات کے پیشِ نظر سیاسی سرگرمیاں تیز کر دی ہیں جس کے پیش نظر ضلع کے مختلف علاقوں میں سیاسی جماعتوں کے علاوہ آزاد امیدوارں کی جانب سے بھی انتخابی ریلیاں اور مختلف پروگرمز منعقد کیے جا رہے ہیں۔ ضلع کے سانبورہ علاقے میں ہفتہ کے روز آزاد امیدوار ڈاکٹر بلال احمد نے انتخابی مہم کے دوران سابق حکومتوں خاص کر نیشنل کانفرنس کی تنقید کے نام پر لوگوں سے ووٹ مانگے۔

آزاد امیدوار ڈاکٹر بلال احمد کی انتخابی مہم میں سماجی کارکن ڈاکٹر عبد الباری نے شرکت کی اور اپنی تقریر میں انہوں نے نیشنل کانفرنس کو آڑے ہاتھوں لیا۔ انہوں نے اجتماع سے خطاب کرتے ہوئے کہا کہ ان کے امیدوار کا انتخابی منشور جموں وکشمیر کو کرپشن سے پاک کرنا، نوجوانوں کو روزگار اور عوام کا مکمل تحفظ ہے۔

میڈیا سے بات کرتے ہوئے انہوں نوجوانوں کو کشمیر سے باہر کی جیلوں میں قید رکھنے پر سخت مذمت کرتے ہوئے کہا: ’’نوجوانوں کو قید میں رکھنا یہاں 70 برسوں تک حکومت کرنے والی سیاسی جماعتوں کی دین ہے۔‘‘ انہوں نے نیشنل کانفرنس کا نام لئے بغیر ان کی سخت تنقید کرتے ہوئے کہا: ’’آج وہ دفعہ 370کو بحال کرنے کے دعوے اور وعدے کر رہے ہیں، اصل میں اس دفعہ کو کمزور کرنے والے ہی یہیں ہیں۔‘‘