اونتی پورہ: وادی کشمیر میں منشیات کی لت نے جس طرح اپنے پنجے پسار دیے ہیں وہ سماج کے سامنے عیاں ہیں۔ منشیات کی بڑھتی اس وباء نے ہرزی حس فرد کو تشویش میں مبتلا کردیا ہے ۔ جنوبی کشمیر کے اونتی پورہ ماضی قریب میں منشیات فروشی کے حوالے سے بہت ہی بدنام تھا تاہم اب اس علاقے میں رفتہ رفتہ حالات معمول پر آرہے ہیں کیونکہ گزشتہ کئ برسوں کے دوران اونتی پورہ پولیس نے منشیات فروشوں کے خلاف سخت کاروائی کرکے یہ پیغام دیا ہے کہ اب اس علاقے میں یہ سب کچھ چلنے والا نہیں ہے۔
گزشتہ دو ہفتوں کے دوران اونتی پورہ پولیس نے اونتی پورہ، ترال اور پامپور علاقوں میں ایک درجن کے قریب منشیات فروشوں کو سلاخوں کے پیچھے دھکیل دیا ہے جبکہ لاکھوں روپے مالیت کی منشیات کو بھی ضبط کر دیا گیا ہے اس کے علاوہ اس گورکھ دھندے سے حاصل شدہ پراپرٹی کو بھی پولیس نے ضبط کر دیا ہے کہ منشیات فروشوں کے عزائم کو خاک میں ملا دیا ہے۔ عوامی سطح پر منشیات فروشوں کے خلاف سخت گیر رویہ اپنانے پر پولیس کے ان اقدامات کی سراہنا کی جا رہی ہے ۔
یہ بھی پڑھیں: جموں و کشمیر میں 16 اور 17 دسمبر کو بارش اور برفباری کے آثار - KASHMIR WEATHER
کئ افراد نے ای ٹی وی بھارت کےساتھ بات کرتے ہوئے بتایا کہ وادی کشمیر جس کو کبھی ریش وار کہا جاتا تھا یہاں منشیات کا گراف بڑھ جانے سے سماجی تانے بانے پر گہرا اثر پڑا ہے اور ہر فرد اس حوالے سے پریشان ہے تاہم جس طرح اونتی پورہ پولیس ڈسٹرکٹ کے آفیسر ان اور عملے نے متحرک ہو کر منشیات فروشوں کے خلاف کریک ڈاؤن کرلیا ہے وہ یقینا قابل ستائش ہے اور اسکی پزیرائی ہونی بھی چاہیے کیونکہ گزشتہ کئ برسوں سے منشیات کی وباء نے وادی کشمیر کو اپنی گرفت میں لے لیا ہے عوامی حلقوں کا ماننا، ہے کہ اس بدعت' کے خلاف اب مساجد کے محراب سے بھی بات ہونی چاہیے جبکہ دیگر مزہبی مقامات سے بھی اس معاملے پر اعلان ہونا چاہیے تاکہ ہمارا سماج اس بدعت سے صاف وپاک رہے۔
