برفباری کشمیر: ڈیزاسٹر منیجمنٹ کی جانب سے وارننگ جاری

Avalanche Warning in Kashmir جموں وکشمیر ڈزاسٹر مینجمنٹ اتھارٹی نے یونین ٹریٹری کے دس اضلاع میں اگلے چوبیس گھنٹوں کے دوران برفانی تودے گر آنے کی وارننگ جاری کی ہے۔ واضح رہے کہ وادی کشمیر کے میدان و بالائی علاقوں میں برفباری ہوئی ہے۔

سرینگر: ڈیزاسٹر منیجمنٹ نے جموں وکشمیر کے 10 دس اضلاع کے لیے ہلکی سے درمیانہ درجے کی برفانی تودے کی وارننگ جاری کی ہے۔

ڈیزاسٹر منیجمنٹ نے اپنی جاری کردہ ایڈوائزری میں 24 گھنٹوں میں اننت ناگ اور کولگام اضلاع میں 2500 میٹر سے کم خطرے کی سطح کے علاقوں میں برفانی تودہ گرنے کا امکان ظاہر کیا ہے۔

وہیں ڈوڈہ،کشتواڑ، پونچھ، رامبن،بانڈی پورہ،بارہمولہ، کپوارہ اور گاندربل اضلاع میں درمیانہ درجے کے خطرے کی سطح کے ساتھ 2200 میٹر سے زائد علاقوں میں برفانی تودے گرآنے کا امکان ظاہر کیا گیا ہے۔

ایسے میں جاری کردہ ایڈوائزری میں مذکورہ علاقوں میں رہنے والے لوگوں کو مشورہ دیا گیا ہے کہ وہ احتیاطی تدابیر اپنائے اور برفانی تودے والے علاقوں میں جانے سے گریز کریں۔ایسے میں لوگ کسی بھی ایمرجنسی کی صورت میں 112 سے بھی رابطہ قائم کرسکتے ہیں۔ادھر منگل کی صبح سے ہی وادی بھر میں بارشوں اور برفباری کا سلسلہ جاری ہے۔ وادی کشمیر میں گلمرگ ،سونہ مرگر اور دیگر بالائی علاقوں میں گزشتہ 24 گھنٹوں کے دوران تقریباً 3 فٹ برفباری ریکارڈ کی گئی ہے۔قابل ذکر کہ محکمے موسمیات کے عین مطابق پیر سے ہی میدانی علاقوں میں بارشوں جبکہ بالائی علاقوں میں برفباری کا سلسلہ شروع ہوا،تاہم کشیر کے بیشتر میدانی علاقوں میں منگل کی صبح سے برفباری کا سلسلہ شروع ہوا، جو کہ شام تک جاری رہی۔منگل کی صبح سے ہورہی برفباری کے نیتجے میں معمول کی زندگی کچھ حد تک متاثر ہوئی ہے۔سڑکوں پر پھلسن ہونے کی وجہ سے گاڑیوں کے چلنے پھرنے میں دقتیں پیش آرہی ہیں۔

محکمے موسمیات کے مطابق 21 فروری کو وادی کشمیر میدانی اور بالائی علاقوں میں ہلکی سے درمیانہ درجے برفباری ہوسکتی ہے اور بدھ کی دوپہر کے بعد موسم میں بہتری کے امکانات ظاہر کئے گئے ہیں۔
ایسے میں موجودہ موسمی صورتحال کے پیش نظر کشمر یونیورسٹی نے 21 فروری کو لئے جانے والے اپنے تمام امتحانات کو ملتوی کرنے کا فیصلہ کیا ہے۔اور اس کے کیےنئی تاریخوں کا اعلان بعد میں کیا جائے گا۔