سرینگر: محکمۂ صحت کشمیر نے تمباکو کے استعمال کی روک تھام اور وادی کے تمام اسکولوں میں تمباکو سے پاک ماحول فراہم کرنے کے لیے (TOFEI) کے تمام رہنما خطوط پر عمل پیرا رہنے اور مذکورہ گائیڈ لائنز کے بورڈ نصب کرنے پر زور دیا ہے۔ محکمہ نے 31 مئی کو منعقد ہونے والے تمباکو نوشی کے خلاف عالمی دن سے قبل ایک مہم کا آغاز کیا ہے تاکہ نوجوانوں خاص کر طلبہ کو تمباکو نوشی کے استعمال سے روکا جا سکے اور استعمال کرنے والوں کو اس بدعت سے چھٹکارا پانے میں مدد فراہم کی جا سکے۔ قومی تمباکو کنٹرول پروگرام (NTCP) نے کہا کہ سکریٹری صحت و طبی تعلیم مذکورہ پروگرام کے تحت عملائے جارہے اقدمات کو عملانے پر سنجیدہ ہیں اور انہوں نے ڈائریکٹر ہیلتھ سروسز کشمیر کو سگریٹ اور دیگر تمباکو مصنوعات ایکٹ یعنی (COTPA) اور اس کے مختلف سیکشنز پر سختی سے عمل درآمد کرنے کی ہدایت دی ہے۔
یہ بھی پڑھیں:
تمباکو نوشی کے عالمی دن کے لیے اس سال کا تھیم ہے "بچوں کو تمباکو کے استعمال سے دور رکھنا ہے۔ انہوں نے کہا کہ محکمۂ صحت کشمیر نے تمام تعلیمی اداروں میں ان کو سائن بورڈز نصب کرنے کے لیے کہا ہے جو ToFEI کے رہنما خطوط کی تعمیل کے لیے لازمی ہیں۔ اسکولوں میں جانکاری کے حوالے سے سائن بورڈ لگائے جائیں گے تاکہ خلاف ورزی کرنے والوں کو احاطہ میں تمباکو کے استعمال پر متنبہ کیا جا سکے تاکہ اس بات کو یقینی بنایا جا سکے کہ ToFEI کے رہنما خطوط پر مکمل طور پر عمل کیا جائے اور اسکولوں کے گرد ونواح کی دیگر سرگرمیوں پر بھی سختی سے نگرانی کی جائے گی۔
قابل ذکر ہے کہ ڈائریکٹوریٹ آف ہیلتھ سروسز کشمیر نے حال ہی میں ڈائریکٹر اسکول ایجوکیشن کشمیر کے ساتھ ایک میٹنگ کی تاکہ رہنما خطوط کا جائزہ لیا جا سکے۔ میٹنگ میں تمام چیف ایجوکیشن افسران اور محکمۂ تعلیم کے نوڈل آفیسر اور دیگر متعلقہ عہدیداروں نے شرکت کی۔ ایسے میں تمباکو کے عالمی دن سے قبل آگہی کے طور پر اسکول میں تمباکو کے استعمال کے مضر اثرات پر مختلف پروگرام کا انعقاد عمل میں لایا جارہا ہے۔ جس مییں ڈرائنگ اور کوئز وغیرہ پروگرام بھی شامل ہیں۔
