اننت ناگ: وائلو اور اس کے اطراف لے گاوں کے باشندوں کا کہنا ہے کہ ناقص ڈرینج سسٹم کی وجہ سے ان کی پریشانیوں میں اضافہ ہوتا جا رہا ہے۔ انتظامیہ سے ڈرینج سسٹم کو بہتر بنانے کی اپیل کی گئی لیکن انہوں نے اس پر کبھی کوئی توجہ نہیں دی۔
انہوں نے کہاکہ راہگیروں کو سڑکوں پر چلنے میں دشواریوں کا سامنا کرنا پڑتا ہے۔ نمازیوں کو مسجد تک جانے کے لئے گندے پانی سے ہو کر گزرنا پڑتا ہے۔ نالے کے گیندے پانی کے 244 نمبر قومی شاہراہ پر جما ہونے کے باعث گاڑیوں کی آمدورفت بھی پوری طرح سے متاثر ہو رہی ہے۔
ان کا مزید کہنا ہے کہ گاون سے نکلنے والے ڈرینیج کا سارا پانی نیشنل ہائی وئے کے اوپر سے بہتا ہے جس سے مذکورہ سڑک کی حالت بگڑتی جا رہی ہے۔ شاہراہ سے گزر نے والے لوگوں کا کہنا ہے کہ مذکورہ علاقہ جنگلات کے بیچوں بیچ واقع ہے جس کے نتیجے میں یہ علاقہ عموماً ٹھنڈا ہوتا ہے۔وہی چلہ کلاں کے دوران یہاں کا درجہ حرارت منفی سے نیچے چلا جاتا ہے۔
یہ بھی پڑھیں:غیر متوقع بارشوں سے اہلن، گڈول میں سیلابی صورتحال - Defunct Drainage in Kokernag
مقامی باشندوں کا کہنا ہے کہ سخت سردی کی وجہ سے نالے کا پانی جم جاتاہے۔ نتیجتاً قومی شاہراہ کے مختلف مقامات پر پھسلن پیدا ہو جاتی ہے۔ لوگوں نے انتظامیہ سے مطالبہ کیا ہے کہ عام لوگوں کی پریشانیوں کو دور کرنے کے لئے ٹھوس قدم اٹھائے۔اس کے ساتھ ساتھ انہوں نے ڈرینج سسٹم کو بہتر بنانے کا بھی مطالبہ کیا ہے۔
