سرینگر (جموں و کشمیر) بھارتیہ جنتا پارٹی (بی جے پی) کے سابق صدر اور قومی جنرل سیکریٹری رام مادھو نے بدھ کو ممبر پارلیمنٹ عبدالرشید شیخ المعروف انجینئر رشید کی رہائی پر شدید تنقید کرتے ہوئے الزام عائد کیا کہ وہ ’’نیا کشمیر‘‘ کے وزیراعظم نریندر مودی کے ویژن کو ناکام بنانے کی کوشش کر رہے ہیں۔ رام مادھو نے اپنے ایکس پوسٹ میں لکھا، ’’یہ علیحدگی پسند (یعنی انجینئر رشید) جو پانچ سال سے یو اے پی اے (UAPA) کے تحت جیل میں تھا، اب رہا ہو کر وادی کی سیاست کو مزید خراب کرنے کے لیے (باہر) آچکا ہے۔‘‘
This rank separatist, in jail for last 5 years under UAPA for indulging in anti-India activities, is out on bail to further vitiate Valley politics. Look at d language… anti-Modi rants, restoring Art 370, freeing terrorists from jails… no different from what Omar or Mehabooba… https://t.co/XFQvWFceVo
— Ram Madhav (@rammadhav_) September 11, 2024
رام مادھو نے نکتہ چینی کرتے ہوئے مزید کہا: ’’اس کے بیانات کو دیکھیں - مودی مخالف، آرٹیکل 370 کی بحالی، دہشت گردوں کی رہائی، یہ سب وہی باتیں ہیں گپکار گینگ - عمر عبداللہ، محبوبہ مفتی یا سجاد لون جیسوں - کی زبان ہے۔ وہ مودی کے نیا کشمیر کے خواب کو شکست دینا چاہتے ہیں، لیکن ہم اس چیلنج کو قبول کرتے ہیں اور نیا کشمیر کا سفر جاری رہے گا۔‘‘
بی جے پی لیڈر کا یہ بیان اس وقت سامنے آیا جب انجینئر رشید نے اپنی رہائی کے بعد مودی کے نیا کشمیر کے بیانیے کے خلاف اپنی جدو جہد جاری رکھنے کے اپنے عزم کا اظہار کیا۔ انجینئر رشید، جنہیں غیر قانونی سرگرمیوں کی روک تھام ایکٹ (یو اے پی اے) کے تحت گرفتار کیا گیا تھا، نے کہا کہ وہ جموں و کشمیر کے لوگوں کی فلاح و بہبود کے لیے کام کریں گے اور حکومت کی پالیسیوں کو چیلنج کریں گے۔ یاد رہے کہ انجینئر رشید کو گزشتہ روز عدالت نے دو اکتوبر تک عبوری ضمانت پر رہا کیا ہے۔
تہاڑ جیل سے رہا ہونے کے بعد انجینئر رشید نے مزید کہا: ’’میں اپنے لوگوں کو مایوس نہیں کروں گا۔ میرا مقابلہ مودی کے نیا کشمیر کے بیانیے سے ہے، جسے جموں و کشمیر کے لوگوں نے مسترد کر دیا ہے۔ یہ جنگ عمر عبداللہ کی کرسی کے لیے نہیں بلکہ میرے لوگوں کے لیے ہے۔‘‘ دریں اثناء، بی جے پی کے جموں و کشمیر صدر رویندر رینہ نے وادی میں ایک جعلی خط کو سیاسی پروپیگنڈا قرار دیا، جس کے بارے میں کہا گیا ہے کہ یہ اپوزیشن کی جانب سے پھیلایا جا رہا ہے۔
Political propaganda by frustrated opposition.
— Ravinder Raina (@RavinderRaina) September 11, 2024
This fake letter is being circulated in Kashmir Valley, this is nothing but a political Propaganda by frustrated Opposition. No such order issued from my office. I have requested @ECISVEEP to register FIR in the political fraud. pic.twitter.com/aliE2X8aN6
انہوں نے اپنے ایکس پوسٹ میں کہا، ’’یہ جعلی خط کشمیر میں گردش کر رہا ہے، جو اپوزیشن کی جانب سے سیاسی دھوکہ بازی ہے۔ میرے دفتر سے ایسا کوئی حکم جاری نہیں ہوا اور میں نے الیکشن کمیشن آف انڈیا سے اس سیاسی فراڈ پر ایف آئی آر درج کرنے کی درخواست کی ہے۔‘‘
یہ بھی پڑھیں: انجینئر رشید تہاڑ جیل سے رہا ہوے، کہا، آخری سانس تک پی ایم مودی کے نظریے کے خلاف لڑوں گا -
انجینئر رشید کو رہا کیا گیا تو شبیر شاہ، یاسین ملک کو کیوں نہیں؟ پی ڈی پی امیدوار کا سوال
