سرینگر (جموں کشمیر) : جموں و کشمیر میں ہفتے کے روز بھی وقفے وقفے سے بارشوں کا سلسلہ جاری ہے اور محکمہ موسمیات نے اگلے چند دنوں میں مزید بارشوں کی پیش گوئی کی ہے۔ محکمہ موسمیات کے ایک عہدیدار نے بتایا کہ ہفتہ صبح 8:30 بجے تک گزشتہ 24 گھنٹوں کے دوران سرینگر میں 4.5 ملی میٹر، قاضی گنڈ 10.2 ملی میٹر، پہلگام 20.8 ملی میٹر، کپوارہ 15.1 ملی میٹر، کوکرناگ 9.8 ملی میٹر، گلمرگ8.6 ملی میٹر، جموں 2.3 ملی میٹر، بانہال 2.3 ملی میٹر، بٹوٹ 22.8 ملی میٹر، کٹرا 4.6 ملی میٹر اور بھدرواہ 16.4 ملی میٹر بارش ہوئی۔
محکمہ موسمیات نے 29 اپریل تک زیادہ تر مقامات پر گرج چمک، بجلی گرنے/ ژالہ باری/ تیز ہواؤں کے ساتھ ہلکی سے اوسط درجے بارش جبکہ بالائی علاقوں میں یا ہلکی برف باری کی پیش گوئی کی ہے۔ محکمہ موسمیات نے بعض جگہوں پر بھاری بارشوں کا امکان بھی ظاہر کیا ہے۔ انہوں نے مزید کہا کہ 29-30 اپریل سے موسم عام طور پر ابر آلود رہنے کی بھی پیشگوئی کی ہے۔ محکمہ نے یکم سے 5مئی تک موسم مجموعی طور پر خشک رہنے کی توقع ظاہر کی ہے۔
شبانہ درجہ حرارت کے حوالہ سے انہوں نے کہا کہ گرمائی دارالحکومت سرینگر میں کم از کم 10.5 ڈگری سینٹی گریڈ ریکارڈ کیا گیا جو معمول سے 1.2 ڈگری سینٹی گریڈ زیادہ تھا۔ قاضی گنڈ میں گزشتہ رات کا کم سے کم درجہ حرارت 7.8 ڈگری سینٹی گریڈ کے مقابلے میں کم از کم درجہ حرارت 8.4 ڈگری سینٹی گریڈ ریکارڈ کیا گیا جو معمول سے 0.6 ڈگری سینٹی گریڈ زیادہ ہے
یہ بھی پڑھیں: دریائے جہلم ، جھیل ڈل اور دوسرے آبی ذخائر کے نزدیک رہائش پذیر لوگوں کے لئے ایڈوائزری جاری - rain forecast advisory
