ترال (پلوامہ):پی ڈی پی سیاسی پارٹی ہونے کے ساتھ ساتھ ایک عوامی تحریک ہے جو ہر وقت جموں وکشمیر کے امن وامان اور مجموعی ترقی کے ایجنڈے پر کام کر رہی ہے اور جو لوگ آج بھی ہماری پارٹی کے منشور کے ساتھ متفق نظر آکر پارٹی میں شمولیت کر رہے ہیں ہم ان کا خیر مقدم کر رہے ہیں۔ ان باتوں کا اظہار پی ڈی پی کے ترجمان ڈاکٹر ہربخش سنگھ نے دورہ ترال کے بعد ذرائع ابلاغ کے ساتھ بات کرتے ہوئے کیا۔انہوں نے بتایا کہ الیکشن کی آمد سے قبل ہی سیاسی پارٹیوں کے لیڈران اور ورکران کے پارٹی بدلنے کا سلسلہ شروع ہونا ایک فطری بات ہوتی ہے، تاہم ہمیں فخر کے کہ ہماری پارٹی کا ورکران مصائب کے باوجود پارٹی ایجنڈے کے ساتھ ڈٹے ہوئے ہے۔
انہوں نے کہا کہ پی ڈی پی کی عوام دوست پالیسی کا ایجنڈا گھر گھر پہنچا رہا ہے اور یہی وجہ ہے کہ جنوبی کشمیر کے ترال علاقے میں بھی اب یہ پارٹی ہر گزرتے دن کے ساتھ مقبول ہو رہی ہے اور نئے لیڈران پارٹی میں شمولیت کر رہے ہیں جن کا ہم خیر مقدم کرتے ہیں۔
مزید پڑھیں: پی ڈی پی، پارٹی نہیں ایک تحریک: پی ڈی پی ترجمان
ڈاکٹر ہربخش سنگھ نے بتایا کہ پی ڈی پی اپنے مرحوم قائد مفتی محمد سعید کے نقش وقدم پر چل رہی ہے اور جس طریقے سے پارٹی صدر محبوبہ مفتی نے کشمیریوں کی وکالت کی ہے وہ اس بات کا عکاس ہے کہ زمینی سطح پر پی ڈی پی ہی عوام کی ترجمان بنی ہوئی ہے
