بڈگام: وسطی کشمیر کے بڈگام ضلع میں مشتبہ عسکریت پسندوں نے دو غیر مقامی شہریوں پر گولیاں چلائیں جس کے نتیجے میں دونوں زخمی ہو گئے۔ زخمیوں کو فوری طور پر سب ضلع اسپتال ماگام پہنچایا گیا جہاں ان کا علاج و معالجہ کیا جا رہا ہے۔ ادھر، سیکورٹی ایجنسیز نے علاقے کو محاصرے میں لے لیا اور حملہ آوروں کی تلاش شروع کر دی گئی ہے۔
Two non-local persons shot at by militants in Jammu and Kashmir's Budgam district, say officials
— Press Trust of India (@PTI_News) November 1, 2024
پولیس کے ایک اعلیٰ افسر نے بتایا کہ بڈگام کے مازہامہ علاقے میں جمعہ کی شام نامعلوم مسلح افراد نے ریاست اترپردیش سے تعلق رکھنے والے دو افراد پر گولیاں چلائیں جس کے نتیجے میں وہ زخمی ہو گئے۔ زخمی ہونے والوں کی شناخت محمد عثمان ملک ولد ذلفان ملک عمر 20 سال اور محمد سفیان ولد محمد انعام عمر 25 سال ساکنان سہارن پور اتر پردیش کے طور پر ہوئی ہے۔ جو یہاں ’’جل جیون مشن‘‘ پروجیکٹ پر کام کر رہے تھے۔
زخمیوں کو فوری طور پر سب ڈسٹرکٹ اسپتال ماگام منتقل کیا گیا اور بعد میں انہیں جے وی سی اسپتال سرینگر ریفر کیا گیا۔ طبی ذرائع کے مطابق دونوں مزدوروں کی حالت مستحکم ہے۔ حملہ آوروں کی گرفتاری کے لیے فورسز نے پورے علاقے کا محاصرہ کر لیا ہے اور مزید تحقیقات جاری ہیں۔
Jammu & Kashmir | Terrorists fired upon two non-locals in Mazhama, in the Magam area of Budgam district. The injured were immediately shifted to a nearby hospital for treatment, where their condition is said to be stable. The whole area was cordoned off by the security forces to…
— ANI (@ANI) November 1, 2024
واضح رہے کہ گزشتہ ہفتوں کے دوران غیر مقامی باشندوں پر کئی حملے ہوئے۔ اکتوبر ماہ میں وسطی کشمیر کے گاندربل ضلع میں زیڑ موڑ ٹنل پر کام کر رہے غیر مقامی مزدوروں پر عسکریت پسندوں نے گولیاں چلائیں جس کے نتیجے میں چھ مزدور ہلاک ہو گئے، حملہ ایک مقامی ڈاکٹر بھی ہلاک ہو گیا جبکہ پانچ دیگر زخمی ہو گئے۔
