پلوامہ: ضلع پلوامہ کے مختلف رہائشی علاقوں میں تیندوا نظر آنے سے مقامی باشندوں میں دہشت پائی جارہی ہے۔لوگوں بالخصوص بچوں سے گھروں سے باہر نا نکلنے کی اپیل کی گئی ہے۔مقامی باشندوں کا کہنا ہے کہ علاقے میں گزشتہ کئی دنوں سے تیندوے کی موجودگی سے علاقے میں خوف وہراس کا ماحول پیدا ہوگیا ہے جس کی وجہ سے لوگوں کا گھروں سے باہر نکلنے مشکل ہوگیا ہیں۔
اس سلسلے میں سجاد احمد نے کہا کہ گزشتہ کئی دنوں سے تیندوے علاقے میں نظر آئے جس سے علاقے میں دہشت کا ماحول ہے۔ انہوں نے کہا کہ شام کے وقت میں تیندوے نے ایک لاکھ مالیت کی تقریباً 4 بھیڑوں کو ہلاک کیا۔
وہی مشتاق احمد انچارج وائلڈ لائف کنٹرول روم ترال نے بات کرتے ہوئے کہا کہ محکمہ کی ٹیمیں علاقے میں تیندوے کو پکڑنے کے لیے مسلسل سرچ آپریشن کر رہی ہیں۔ انہوں نے کہا کہ ٹیموں نے تیندوے کو پکڑنے کے لیے علاقے میں مختلف مقامات پر پنجرے لگائے ہیں۔
یہ بھی پڑھیں:گاندربل کے فتح پورہ کے رہائشی علاقوں میں دہشت مچانے والا تیندوا پکڑ لیا گیا - leopard captured In Ganderbal
ان کا مزید کہنا تھا کہ تیندوے کا سراغ لگا کر جلد پکڑ لیا جائے گا۔مشتاق احمد انچارج وائلڈ لائف کنٹرول روم نے علاقہ کے لوگوں سے گزارش کی کہ وہ چوکس رہیں اور صبح اور شام کے اوقات میں غیر ضروری طور پر گھروں سے باہر نہ نکلے۔
