شوپیان: ضلع شوپیان میں پینے کے پانی کی ناقص سپلائی کے سبب مختلف گاؤں میں لوگ خاص طور پر بچے اس بیماری میں زیادہ مبتلا ہو رہے ہیں جس کی وجہ سے مقامی آبادی میں کافی تشویش کا ماحول پیدا ہو گیا ہے۔ اس سلسلے میں چک بد علاقوں میں محکمہ صحت کی جانب سے خصوصی بیداری مہم چلائی جارہی ہے۔
مقامی باشندوں کا کہنا ہے کہ انہیں محکمہ جل شکتی کی طرف سے جو پانی فراہم کیا جاتا ہے، ممکنہ طور پر وہ پانی گندا ہے، جس کی وجہ سے مقامی باشندے اس بیماری میں مبتلا ہو رہے ہیں۔ انہیں جو پانی فراہم کیا جاتا وہ بغیر فلٹریشن کے نلوں میں آتا ہے جو اس بیماری کی وجہ ہے۔ ادھر اس حوالہ سے محکمہ صحت کے بلاک میڈیکل آفسر شوپیان محمد یوسف نائیکو نے ای ٹی وی بھارت اردو کو فون پر بتایا کہ ضلع شوپیاں کے علاقوں میں پینے کے پانی میں گندگی کی وجہ سے کئی بار یرقان و ہیپٹائٹس بی کے کیسز سامنے آتے رہتے ہیں۔ یہ بیماری گندا پانی پینے کی وجہ سے ہوتی ہے۔
یہ بھی پڑھیں: سرینگر جموں ہائی وے پر آگاہی پروگرام منعقد
انہوں نے بتایا کہ پہنو علاقے میں بھی گندے پانی کی وجہ اس بیماری کے دو مثبت کیس سامنے آئے جس کے فوراً بعد محکمہ صحت کی ایک ٹیم اس علاقے میں پہنچ گئی جنہوں نے تیس لوگوں کے سیمپل ٹیست کے لیے لیے ہے جن کے ابھی نتائج آنے باقی ہیں۔ انہوں نے بتایا کہ ہم نے علاقے کے لوگوں احتیاطی تدابیر کے بارے میں جانکاری دی۔
