سرینگر : انفورسمنٹ ڈائریکٹوریٹ (ای ڈی) نے گجرات سے تعلق رکھنے والے کرن پٹیل نامی ٹھگ کے خلاف پراسیکیوشن کی شکایت دائر کر دی ہے۔ پٹیل کو گزشتہ سال وزیر اعظم آفس (پی ایم او) کے ایک سینئر آفیسر کا روپ دھارنے اور حکومت سے خصوصی پروٹوکول حاصل کے الزام میں گرفتار کیا گیا تھا۔ پٹیل کو مارچ میں سرینگر سے اس وقت حراست میں لیا گیا تھا جب وہ خود کو پی ایم او آفس میں ’’ایڈیشنل سیکریٹری‘‘ ظاہر کر رہا تھا۔
ED, Srinagar has filed a Prosecution Complaint (PC) against Kiran Patel S/o Jagdish Bhai Patel R/o Ahmadabad, Gujarat before the Hon'ble Special Court (PMLA), Srinagar on 28-10-2024, under the provisions of the PMLA, 2002. The Hon’ble Court has taken cognizance of the PC.
— ED (@dir_ed) November 9, 2024
ای ڈی نے سوشل میڈیا پلیٹ فارم ایکس پر تصدیق کرتے ہوئے کہا کہ یہ پراسیکیوشن شکایت 28 اکتوبر 2024 کو سرینگر کی خصوصی عدالت (پی ایم ایل اے) میں پریونشن آف منی لانڈرنگ ایکٹ 2002 کے تحت دائر کی گئی۔ عدالت نے شکایت کا نوٹس لے لیا ہے جو کہ پٹیل کے خلاف قانونی کارروائی میں ایک اہم پیشرفت ہے۔
پٹیل، جو گجرات کے احمد آباد سے تعلق رکھنے والے جگدیش بھائی پٹیل کے بیٹے ہیں، کو سرینگر کے ایک لگژری ہوٹل میں قیام کے دوران گرفتار کیا گیا تھا۔ تحقیقات سے معلوم ہوا کہ وہ پی ایم او کے اعلیٰ افسر بن کر مختلف مراعات اور حساس علاقوں تک رسائی حاصل کر رہے تھے۔
ای ڈی کی تحقیقات کا مرکز سرکاری شناخت کے غلط استعمال کے ذریعے ذاتی فوائد حاصل کرنے اور مالی لین دین میں مشتبہ بدعنوانی ہے۔ گرفتاری کے وقت پٹیل کے پاس پی ایم او کے نام کے جعلی دستاویزات برآمد ہوئے جنہیں وہ اپنی حیثیت کو مضبوط کرنے کے لیے استعمال کرتے تھے۔
ای ڈی نے پٹیل کے مالی معاملات کی جانچ پڑتال شروع کردی ہے تاکہ یہ معلوم کیا جا سکے کہ اس نے اپنی جعلی شناخت سے منی لانڈرنگ میں ملوث تھا یا نہیں۔
یہ بھی پڑھیں: گجرانی ٹھگ کرن پٹیل کو سرینگر کی عدالت نے ضمانت دی
