اننت ناگ: امرناتھ ٹریک پر کام کر رہے مزدور پشو ٹاپ پہلگام کے مقام پر رولنگ اسٹون' لگنے سے زخمی ہوئے ہیں۔ تفصیلات کے مطابق امر ناتھ ٹریک پر کام کر رہے مزدور آج شام اس وقت زخمی ہوگئے جب وہ ٹریک کی مرمت کر رہے تھے۔ بتایا جا رہا ہے پشو ٹاپ کے مقام پر 'رولنگ پتھر' لگنے چار مزدور زخمی ہو گئے۔
مزدور ٹریک کو آمد رفت کے قابل بنانے کا کام کر رہے تھے کہ اسی دوران پتھر گر آئے جس سے چار مزدور زخمی ہوگئے ہیں۔ حادثے میں زخمی افراد کی شناخت طارق احمد خان ولد نور محمد خان ساکن ہیامہ کپواڑہ، تنویر احمد کھٹانہ ولد محبوب احمد کھٹانہ ساکنہ کپواڑہ، نصیر احمد بجاد ولد عبدالحمید باجاد ساکن ماگام ہندواڑہ اور جہانگیر احمد چیچی ولد محمد شفیع چیچی ساکن ترتھ پورہ کپواڑہ، کے بطور ہوئی ہے۔
زخمی افراد کو جلد ہی پرائمری ہیلتھ سنٹر پہلگام منتقل کیا گیا۔ جہاں ڈاکٹروں نے زخمیوں میں سے دو طارق احمد خان اور تنویر احمد کھٹانہ کو مزید علاج معالجہ کے لیے صورہ سری نگر منتقل کردیا گیا۔ جبکہ دیگر دو افراد کا پی ایچ سی پہلگام میں علاج جاری ہے۔" ڈاکٹروں کے مطابق زخمیوں کا علاج ومعالجہ جاری ہے اور ان کی حالت خطرے سے باہر بتائی جا رہی ہے۔
