پلوامہ: مرکز کے زیر انتظام ہوٹی جموں و کشمیر کے ضلع پلوامہ میں واقع سرکٹ ہاوس میں ترقیاتی کونسل کی ایک اہم میٹنگ منعقد ہوئی۔ ڈی ڈی سی کونسل کی میٹنگ کے دوران ضلع پلوامہ کے تمام ڈی ڈی سی ممبران، اے ڈی ڈی سی پلوامہ شوکت احمد، بی ڈی اوز، چیف پلاننگ آفیسر پلوامہ نوشاد احمد، ڈی پی او، چیف پنچایت آفیسر پلوامہ موجود تھے۔
میٹنگ کا بنیادی مقصد ضلع پلوامہ کی مجموعی ترقی کے لیے ڈی ڈی سی کونسل کی طرف سے بنائے گئے روڈ میپ کو منظور کرنا تھا۔ میٹنگ کے دوران بنیادی توجہ ضلع پلوامہ کو کوڑے کرکٹ سے پاک بنایا جائے۔ میٹنگ کے اختتام کے بعد سب کی طرف سے ایک سوچھتا عہد لیا گیا کہ وہ ملک کو صاف ستھرا اور خوبصورت بنانے میں اپنا کردار ادا کریں گے۔
یہ بھی پڑھیں:بڈگام میں بیداری پروگرام کا انعقاد
ڈی ڈی سی کے چیئرمین سید عبدالباری اندرابی نے کہا کہ کونسل کا بنیادی مقصد ضلع کی مجموعی ترقی ہے اور کونسل اس پر لگن سے کام کر رہی ہے۔ انہوں نے کہا کہ پلوامہ کو کوڑے کرکٹ سے پاک بنانے کے لیے یہ عوام اور انتظامیہ کی اجتماعی ذمہ داری ہے کہ وہ مل کر کوڑے کرکٹ سے پاک پلوامہ کے مقصد کو حاصل کرنے کے لیے کام کریں۔
