مرکزی بجٹ میں جموں و کشمیر کو ترجیح ملی، ڈاکٹر درخشاں اندرابی - Darakhshan Andrabi On Budget

بی جی پی کی سنئیر رہنما اور وقف بورڈر کی چیئرپرسن ڈاکٹر درخشاں اندرابی نے کہا کہ5 اگست 2019 کے بعد بجٹ میں جموں وکشمیر کو ترجیحات میں رکھا جارہا ہے۔ اس مرتبہ بھی جموں و کشمیر کو ہی ترجیح ملی ہے تاکہ تعمیر و ترقی کے لحاظ سے اس خطے کو ملک کی دیگر ریاستوں اور یوٹیز سے ساتھ ہم پلہ کیا جا سکے۔

سرینگر: جموں وکشمیر وقف بورڈ کی چئیرپرسن ڈاکٹر درخشاں اندرابی نےسرینگر میں میڈیا نمائندوں کے ساتھ بات چیت کے دوران کہاکہ دفعہ 370کی منسوخی کے بعد مرکزی سرکار جموں وکشمیر کی ترقی کی خاطر فراخ دلی کا مظاہرہ کر رہی ہے۔یہاں کے ترقیاتی منصوبوں کے لیے کثیر رقم مختص رکھنا اس بات کا غماز ہے مرکز یوٹی پر خاص توجہ مرکوز کئے ہوا۔انہوں نے کہا کہ یہاں ایک وقت میں ٹررازم کی بات ہوا کرتی تھی لیکن اب ٹورازم کی بات کی جاتی ہے۔

انہوں نے کہا کہ جموں وکشمیر میں ترقی کے کام شدو مدد سے جاری ہے اور حالیہ بجٹ میں ترقیاتی کاموں کے لیے مختص رقم سے نہ ان منصوبوں کو پایہ تکمیل تک پہنچایا جایا جارہا ہے بلکہ نئے تعمیراتی پروجیکٹس کو بھی دردست لیا جائے گا ۔انہوں نے مزید کہا جس طرح جموں و کشمیر انتظامیہ کام کررہی ہے امید ہے کہ آنے والے وقت جموں وکشمیر دیگر ریاستوں اور یوٹیز کے ہم پلہ ہوگی۔

واضح رہے کہ سال 2024_25 کے حالیہ مرکزی بجٹ میں جموں وکشمیر کے لیے 42277.72 کروڑ روپے مختص کئے گئے ہیں ۔رواں برس مختص رقم میں گزشتہ مالی سال کے 4175.44 کروڑ روپے میں 1.2 فیصد کا اضافہ کیا گیا یے۔