ترال: سوچھتا ہی سیوا پروگرام کے تحت سال بھر ملک میں پروگراموں کا انعقاد کیا جارہا ہے۔ کشمیر وادی کے ترال علاقے میں سنیچر کے روز سی آر پی ایف 180 بٹالین کی جانب سے ترال اسپتال سے کیمپ ہیڈکوارٹر تک صفائی ستھرائی کی گئی۔ اس موقعے پر ماہرین نے ہدایت دی کہ صحت کا خیال رکھنا ہر انسان کی اولین ترجیح ہونی چاہیے، خاص طور پر بچوں والے گھروں کے اطراف و اکناف میں پانی ٹہرا ہوا نہیں ہونا چاہئے اور نہ ہی جمع کچرے کا ڈٖھیر ہونا چاہئے۔ ایک صحت مند معاشرے کے لیے صفائی ایک اہم جز ہے۔
مزید پڑھیں: کشمیر مسئلہ کا فیصلہ کشمیر کے لوگ کریں گے: انجینئر رشید
انہوں نے کہا کہ بیماریوں سے بچنے کے لیے احتیاطی تدابیر اپنانے اور آس پاس صاف صفائی کا خاص خیال رکھا جائے۔ میڈیا کے ساتھ بات کرتے ہوئے سی آر پی ایف کے ایک آفیسر سنجے نے بتایا کہ ہم اس ریلی کے زریعے عوام کو یہ پیغام دینا چاہتے ہیں کہ اپنے ماحول کو صاف وشفاف رکھنا چاہیے کیونکہ یہ نہ صرف ہماری زمہ داری ہے بلکہ آنے والی نسلوں تک صاف ماحول رکھنا بھی اسکا ایک حصہ ہے عوامی حلقوں نے بھی سی آر پی ایف کے اس مشن کی حوصلہ افزائی کی اور کہا کہ اسطرح کے پروگرام ہر جگہ منعقد ہونے چاہئیں۔
