راجوری (جموں کشمیر) : سرحدی ضلع راجوری کے منجاکوٹ علاقے میں منگل کی شام سڑک حادثہ کے دوران زخمی ہوا ایک فوجی اہلکار زخموں کی تاب نہ لاکر فوت ہو گیا۔ حادثہ میں زخمی ہوئے دیگر فوجی اہلکاروں کا اسپتال میں علاج و معالجہ کیا جا رہا ہے جن میں سے ایک کی حالت نازک بتائی جا رہی ہے۔ فوج کی وہائٹ نائٹ کور نے فوت ہوئے اہلکار کو شاندار الفاظ میں خراج عقیدت پیش کیا ہے۔
#IndianArmy #GOC #WhiteKnightCorps and all ranks express deepest condolences to the family of L/Nk Baljeet Singh ,the braveheart who lost his life in a tragic road accident near #Manjakote, #Rajouri during counter Insurgency duty.
— White Knight Corps (@Whiteknight_IA) September 17, 2024
We pray for the speedy recovery of the injured.…
یاد رہے کہ گزشتہ شام راجوری ضلع کے منجاکوٹ علاقے میں ایک فوجی گاڑی دوران سفر سڑک سے لڑکھ کر تقریباً سو فٹ گہری کھائی جا گری جس کے نتیجے میں گاڑی میں سوار چار فوجی اہلکار شدید زخمی ہوئے تھے۔ حادثہ کے فوراً بعد ریسکیو آپریشن شروع کیا گیا زخمی ہوئے چاروں اہلکاروں کو اسپتال روانہ کیا گیا۔
بدھ کی صبح زخمی اہلکار لانس نائک بلجیت سنگھ دوران علاج فوت ہو گئے۔ فوج کی وہائٹ نائٹ کور نے فوت ہوئے اہلکار کو خراج عقیدت پیش کرتے ہوئے متوفی کے اہل خانہ کے ساتھ دلی تعذیت کا اظہار کیا۔ ادھر، جموں کشمیر پولیس نے اس ضمن میں پہلے ہی کیس درج کرکے مزید کارروائی شروع کر دی ہے۔
واضح رہے کہ جموں کشمیر میں نہ صرف عسکری حملوں یا عسکری مخالف کارروائیوں کے دوران فوجی اہلکاروں کی ہلاکت کے واقعات رونما ہوتے ہیں بلکہ ٹریفک حادثات کے دوران بھی قیمتی جانوں کا زیاں ہوتا ہے۔ اس طرح کے ٹریفک حادثات جموں کشمیر کے پہاڑی علاقوں میں رونما ہوتے ہیں۔
یہ بھی پڑھیں: کانپور: سڑک حادثہ میں چار فوجی اہلکار زخمی
