سرینگر: سرینگر میں ایک نیا سیاسی محاذ وجود میں لیا گیا اور عوامی نیشنل کانفرنس کے سینئر نائب صدر مظفر شاہ نے نئے محاذ کے تشکیل کا اعلان کیا۔اس فرنٹ کا نام "جموں وکشمیر پیپلز الائنس" رکھا گیا ہے۔
نئے الائنس میں موجود جماعتوں کا دعوی ہے کہ یہ الائنس وہ کام کرے گا جو گُپکار الائنس نہیں کر پایا۔اس میں عوامی نیشنل کانفرنس ،جموں وکشمیر پیپلز پارٹی اور شیعہ فیڈریشن وغیرہ شامل ہیں۔انہوں نے کہا کہ جہاں تک انتخابات کی بات ہے تو وہ بی جے پی کو کسی بھی طرح سے فائدہ ہونے نہیں دے گے۔
عوامی نیشنل کانفرنس نے کے سینئیر نائب صدر نے ایک پریس کانفرنس کے دوران ہفتے کو نئے الائنس کا اعلان کرتے ہوئے کہا کہ گُپکار الائنس برائے عوامی اتحاد یعنی پی اے جی ڈی میں شامل پارٹیاں خاص کر نیشنل کانفرنس اور پیپلز ڈیموکریٹک پارٹی کی آپسی رسہ کشی کے بعد، ان جماعتوں نے علحیدہ علحیدہ راستہ اختیار کیا جس سے یہ عیاں ہوجاتا ہے کہ جس خاص مقصد یعنی جموں وکشمیر کی آئینی حیثیت کے لیے اتحاد کو وجود بخشا گیا اب وہ اس مقصد پر کام کرنے کے لیے تیار نظر نہیں آرہے ہیں۔
مزید پڑھیں:
- پی اے جی ڈی کے پلیٹ فارم کو زندہ کرنے کی کوشش کروں گا: تاریگامی
- عوامی نیشنل کانفرنس نے پی اے جی ڈی میں شامل جماعتوں کو’ تو تو،میں میں‘ بند کرنے کا مشورہ دیا
انہوں نے کہا کہ ایسے میں یہ ضروری تھا کی نیا الائنس بنایا جایا، تاکہ جموں وکشمیر کی خصوصی آئینی حیثیت دفعہ 370 اور ریاستی درجے کی بحالی کے لیے دوبارہ سے فعال مہم کا آغاز کیا جائے،جس کے ساتھ جموں وکشمیر کے لوگوں کے جذبات جڑے ہوئے ہیں۔
