بیروت: لبنان میں دو اسرائیلی فضائی حملوں میں عام شہریوں کی ہلاکتوں کی تعداد 10 ہو گئی ہے۔ لبنان کے سرکاری میڈیا کے مطابق گزشتہ چار ماہ سے جاری غزہ جنگ کے دوران سرحد پار سے ہونے والے حملوں میں یہ سب سے زیادہ ہلاکت خیز حملہ تھا۔
لبنانی عسکریت پسند گروپ حزب اللہ نے ان حملوں کا بدلہ لینے کا عزم ظاہر کیا ہے۔ لبنان کی جانب سے میزائل داغے گئے تھے جس میں ایک اسرائیلی فوجی ہلاک ہو گیا تھا۔ اس ہلاکت کے چند گھنٹے بعد جوابی کارروائی کرتے ہوئے صیہونی فوج نے لبنان پر حملہ کیا ہے۔ یہ حملہ جنوبی لبنان کے شہر نبطیہ اور ایک گاؤں پر کیا گیا۔
ریاست کے زیر انتظام قومی خبر رساں ایجنسی نے بتایا کہ نباتیہ میں ہوئے حملے میں ایک عمارت کا کچھ حصہ منہدم ہو گیا، جس سے ایک ہی خاندان کے سات افراد ہلاک ہو گئے۔ جن میں ایک بچہ بھی شامل ہے۔ ایک لڑکا لاپتہ تھا جسے ملبے کے نیچے سے زندہ نکال لیا گیا۔ ابتدائی اطلاعات کے مطابق چار افراد ہلاک ہوئے ہیں۔
سوانی گاؤں میں ایک خاتون اور اس کے دو چھوٹے بچوں کو قتل کر دیا گیا ہے۔ چھ لبنانی خواتین اور تین بچے ہلاک ہوئے ہیں۔ بدھ کو حزب اللہ کے تین جنگجو بھی مارے گئے ہیں۔
لبنان سے بدھ کے روز شمالی اسرائیلی قصبے صفد میں میزائل داغے گئے تھے جس میں ایک خاتون اسرائیلی فوجی ہلاک اور آٹھ افراد زخمی ہو گئے تھے۔
غزہ میں 7 اکتوبر سے اسرائیل اور حماس کی جنگ شروع ہونے کے بعد روزانہ سرحد پار سے ہونے والی جھڑپوں میں ہلاکتوں میں نمایاں اضافہ ہوا ہے۔ جنگ کا آغاز جنوبی اسرائیل میں حزب اللہ کے اتحادی فلسطینی عسکریت پسند گروپ حماس کے اچانک حملے سے ہوا تھا۔
یہ بھی پڑھیں:
- اسرائیلی فوج کی لبنان کے ساتھ سرحدی علاقے میں حملے کے لیے تیاریاں جاری: فوجی کمانڈر
- لبنان نے اسرائیل کے ساتھ تصادم کے درمیان شہریوں کے لیے بین الاقوامی حمایت کا مطالبہ کیا
- اسرائیل کی لبنان میں ٹارگیٹ کلنگ، حزب اللہ کا جنگجو اور ایک خاتون ہلاک
- بیروت میں ہوئے ایک حملے میں حماس کے نائب سیاسی سربراہ صالح عروری ہلاک
- جب تک حزب اللہ موجود ہے جنوبی لبنان ایک جنگی علاقہ ہے: اسرائیلی فوج
