نئی دہلی: بھارت اور سنگاپور نے منگل کو دفاعی تعاون کو مزید بڑھانے اور صنعتی تعاون کے بشمول بشمول آٹومیشن اور مصنوعی ذہانت جیسے مخصوص ڈومینز میں تعاون کو بڑھانے پر اتفاق کیا۔ ایک بیان کے مطابق، 6 ویں بھارت-سنگاپور دفاعی وزارتی ڈائیلاگ میں، دونوں ممالک کے وزرائے دفاع نے مشترکہ فوجی تربیتی کے دو طرفہ معاہدے کو اگلے پانچ سال تک بڑھانے پر بھی اتفاق کیا۔
وزارت دفاع کے بیان میں کہا گیا ہے کہ بھارت کے وزیر دفاع راج ناتھ سنگھ اور ان کے سنگاپور کے ہم منصب این جی اینگ ہین نے اس تقریب کی مشترکہ صدارت کی۔ "دونوں وزراء نے علاقائی امن، استحکام اور سلامتی کے مشترکہ نقطہ نظر پر مبنی گہرے اور دیرینہ دوطرفہ دفاعی تعلقات کو اہمیت دی"۔ یہ میٹنگ اس پس منظر میں اہمیت رکھتی ہے جب بھارت اپنی ایک عشرے سے جاری ایکٹ ایسٹ پالیسی پر کامیابی سے عمل پیرا ہے جس میں سنگاپور نے اقتصادی تعاون اور ثقافتی تعلقات کو فروغ دینے اور خطے کے ممالک کے ساتھ اسٹریٹجک روابط کو فروغ دینے میں کلیدی کردار ادا کیا ہے۔
یہ بھی پڑھیں: بھارت اور سنگاپور کے درمیان سیمی کنڈکٹر سمیت ڈیجیٹل سیکٹر میں متعدد معاہدے - India Singapore sign MoUs
دونوں وزراء نے دونوں ممالک کے درمیان بڑھتے ہوئے دفاعی تعاون پر اطمینان کا اظہار کیا۔ حالیہ برسوں میں دونوں ممالک کی مسلح افواج کے درمیان باقاعدہ تعاون رہا ہے۔ بیان میں کہا گیاکہ "اس بات کو تسلیم کرتے ہوئے کہ دونوں ممالک دفاعی سازوسامان کی مشترکہ ترقی اور مشترکہ پیداوار کے آغاز کے لیے فطری شراکت دار ہیں، دونوں فریقوں نے صنعتی تعاون کو بڑھانے پر اتفاق کیا، جس میں آٹومیشن اور مصنوعی ذہانت جیسے مخصوص ڈومینز میں تعاون کی تلاش بھی شامل ہے۔" دونوں وزراء نے سائبر سیکورٹی جیسے ابھرتے ہوئے شعبوں میں تعاون کو آگے بڑھانے کا بھی فیصلہ کیا۔
