چنڈی گڑھ: بالی ووڈ اداکارہ اور ہماچل پردیش کی منڈی سیٹ سے بی جے پی کی رکن پارلیمنٹ کنگنا رناوت نے جمعرات کو الزام لگایا کہ چنڈی گڑھ کے ہوائی اڈے پر خاتون سی آئی ایس ایف اہلکار نے انہیں اس وقت تھپڑ مارا جب وہ دہلی جارہی تھیں۔ کنگنا کے مطابق، جب وہ دہلی جانے والی فلائٹ UK707 میں سوار ہونے کے لیے ہوائی اڈے کے بورڈنگ پوائنٹ پر جا رہی تھی، سی آئی ایس ایف افسر کلوندر کور نے ان سے بحث کی اور پھر انہیں تھپڑ مار دیا۔ دہلی پہنچنے کے بعد کنگنا نے سی آئی ایس ایف کے ڈائریکٹر جنرل نینا سنگھ اور دیگر سینئر افسران سے ملاقات کی اور اس واقعہ کی شکایت کی۔ سی آئی ایس ایف اہلکار کا نام کلوندر کور بتایا جاتا ہے۔
- کنگنا رناوت کا ڈوپ ٹیسٹ
تھپڑ کے واقعے کے بعد کسان رہنما سرون سنگھ پندھیر نے کنگنا رناوت کے بیان پر سوال اٹھائے ہیں۔ انہوں نے کہا کہ کنگنا رناوت ماضی میں بھی کسانوں کے بارے میں غلط بیانات دیتی رہی ہیں جس کی وجہ سے آج یہ واقعہ پیش آیا ہے۔ آج بھی انہوں نے جو بیان دیا ہے وہ درست نہیں، ہم اس کی مذمت کرتے ہیں۔ انہوں نے کہا کہ ہم نے سنا ہے کہ کنگنا رناوت نے ایئرپورٹ پر بدتمیزی کی ہے جس کی وجہ سے ان کا ڈوپ ٹیسٹ کرانا چاہیے۔
- کسان رہنما ہریندر لکھووال کا بیان
