ممبئی: ٹیلیویژن کی خوبصورت اداکارہ حنا خان کینسر کے علاج کے بعد ایک بار پھر کام پر واپس آگئی ہیں۔ اداکارہ نے اپنے انسٹاگرام اکاؤنٹ پر سیٹ سے ایک ویڈیو شیئر کی ہے۔ اس ویڈیو میں حنا خان کافی خوبصورت لگ رہی ہیں۔ حنا خان اس ویڈیو میں بتا رہی ہیں کہ وہ کینسر کے علاج کے بعد پہلی بار کام پر واپس آئی ہیں۔ قابل ذکر ہے کہ حال ہی میں حنا خان نے سوشل میڈیا پر خود کو بریسٹ کینسر ہونے کا اعلان کیا تھا۔ اس کے بعد اداکارہ نے مداحوں کو کیمو تھراپی سے متعلق اپ ڈیٹ بھی دی تھی۔
آج 15 جولائی کو حنا خان نے اپنے سوشل میڈیا اکاؤنٹ پر ایک ویڈیو شیئر کی۔ اس ویڈیو میں اداکارہ اپنے نئے پروجیکٹ پر کام کرتی نظر آ رہی ہیں۔ حنا خان نے کریم رنگ کا لباس اور وگ پہنی ہوئی ہے۔ اس ویڈیو میں حنا خان بتا رہی ہیں کہ وہ کینسر کے علاج کے بعد پہلی بار کام پر واپس آئی ہیں۔ حنا نے مزید کہا ہے کہ وہ اپنے زخم میک اپ کے ذریعے چھپانے کی کوشش کر رہی ہیں۔
حنا خان نے انسٹاگرام پوسٹ کے کیپشن میں لکھا کہ علاج کے بعد میری پہلی اسائنمنٹ ہے جو کافی چیلنجنگ ہے، خاص طور پر جب زندگی میں کوئی بڑا چیلنج آپ کے سامنے ہو، تو اپنے آپ کو ایک بڑا وقفہ دیں لیکن اپنی زندگی کو اچھے دنوں (بیماری کی وجہ سے آرام) میں ہی نہ گزاریں۔ بیماری کو بھول جائیں۔ زندگی میں تبدیلی، نئے راستے، اختلافات کو قبول کریں اور نارمل بنیں۔
حنا خان نے مزید لکھا کہ میں سب کچھ بھول کر آگے بڑھ رہی ہوں، کیونکہ میں جانتی ہوں کہ مجھے کیا کرنا ہے، مجھے اپنے کام سے پیار ہے اور جب میں کام کرتی ہوں تو مجھے اپنے خواب پورے ہوتے نظر آتے ہیں، یہ میری زندگی کی سب سے اہم چیز ہے۔ میں کام جاری رکھنا چاہتی ہوں، بہت سے لوگ صحت کے مسائل ہونے کے بعد بھی کام پر جاتے ہیں، میں بھی ایسی ہی ہوں، مجھے کچھ مسائل کا سامنا کرنا پڑا ہے لیکن اس سے میرا نظریہ بدلا ہے۔
حنا مزید لکھتی ہیں کہ آپ کی اطلاع کے لیے میں ابھی تک علاج کرا رہی ہوں لیکن میں ہمیشہ کے لیے اسپتال میں نہیں رہوں گی، اس لیے آپ بھی ایسا ہی کریں اور زندگی کو معمول پر لائیں، وہ کریں جو آپ کو خوش کرے
ان تمام لوگوں کو کہنا چاہتی ہوں جو اس بیماری سے لڑ رہے ہیں یاد رکھیں یہ آپ کی کہانی ہے، آپ نے فیصلہ کرنا ہے کہ آپ نے کیا کرنا ہے، ہمت نہ ہاریں بلکہ دیکھیں کہ آپ آگے کیا کر سکتی ہیں۔ آپ کا کام اور جذبہ اگر آپ کو معلوم نہیں ہے تو اسے تلاش کریں لیکن یاد رکھیں اپنے آپ کو وہی کام دو جس کے آپ حقدار ہیں، کیونکہ جب ہم اپنی پسند کا کام کرتے ہیں تو ہمیں خوشی ہوتی ہے، اسے قبول کریں، اسے اپنائیں۔
